Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Një avion i Japan Airlines me qindra pasagjerë shpërtheu në flakë gjatë uljes në aeroportin Haneda të Tokios, pasi u përplas me një aeroplan tjetër të mbushur me ndihmat e tërmetit.
Të gjithë anëtarët e ekuipazhit dhe pasagjerët, duke përfshirë tetë fëmijë nën moshën dy vjeç, u evakuuan në mënyrë të sigurt nga avioni i pasagjerëve. Ndërkohë një person në aeroplanin e Rojes Bregdetare ka shpëtuar, por pesë prej tyre janë të humbur.
Pamjet treguan avionin e pasagjerëve duke lëvizur dhe më pas duke shpërtheu në flakë. Fillimisht në aeroport u krijua kolaps, më pas njerëzit nisën që të përdornin rrëshqitje emergjente për të ikur nga zjarri i madh. Zjarrfikësit u përpoqën të luftonin flakët në rritje.
Roja Bregdetare e Japonisë konfirmoi se një prej avionëve të saj u përplas me fluturimin komercial në pistë. Avioni JCG ishte nisur nga aeroporti Haneda në një bazë ajrore në prefekturën Niigata për të ndihmuar me përpjekjet e ndihmës pas një tërmeti 7.5 ballë.
Fluturimi i Japan Airlines u ngrit nga Aeroporti i Ri Chitose i Sapporo në prefekturën Hokkaido në aeroportin Haneda të Tokios.
Në bordin e avionit kishte rreth 400 pasagjerë dhe anëtarë të ekuipazhit.
Top Channel
