Mbreti Charles III foli në samitin e klimës COP28 në Dubai.
Ai shprehu mirënjohjen e tij të përzemërt për presidentin e Emirateve të Bashkuara Arabe që e ftoi atë në hapjen e samitit të këtij viti.
“Tetë vjet më parë, unë u preka më shumë kur më kërkuan të flisja në hapjen e COP21 në Paris, e cila natyrisht kulmoi me Marrëveshjen e Parisit. Një moment historik shprese dhe optimizmi, kur kombet vendosin dallimet në një anë për të mirën e përbashkët,” tha Mbreti.
“Lutem me gjithë zemër që COP28 të jetë një tjetër pikë kthese kritike drejt veprimit të vërtetë transformues në një kohë kur, tashmë, siç kanë paralajmëruar shkencëtarët për kaq shumë kohë, ne po shohim arritjen e pikave alarmante”, shtoi ai.
Mbreti tha se ai ka kaluar “një pjesë të madhe të jetës sime duke u përpjekur të paralajmërojë për kërcënimet ekzistenciale me të cilat përballemi mbi ngrohjen globale, ndryshimet klimatike dhe humbjen e biodiversitetit”.
“Janë bërë disa përparime të rëndësishme, por më shqetëson shumë që ne mbetemi kaq tmerrësisht larg rrugës,” u shpreh ai. “Rekordet tani po thyhen aq shpesh sa ne ndoshta po bëhemi imun ndaj asaj që ata po na thonë në të vërtetë. Ne jemi duke kryer një eksperiment të madh, të frikshëm të ndryshimit të çdo kushti ekologjik, të gjitha menjëherë, me një ritëm që tejkalon aftësinë e natyrës për t’u përballur”, tha ai,
Duke iu drejtuar mijëra negociatorëve dhe liderëve botërorë në këtë samit, ai thotë: “Në duart tuaja është një mundësi për të mbajtur gjallë shpresën tonë të përbashkët. Unë mund t’ju bëj thirrje vetëm ta përmbushni atë me ambicie, imagjinatë dhe një ndjenjë të vërtetë të urgjencës me të cilën përballemi. Në vitin 2050, nipërit tanë nuk do të pyesin se çfarë thamë – ata do të jetojnë me pasojat e asaj që bëmë apo nuk bëmë”.
Top Channel
Kryeministri gjeorgjian pezullon bisedimet e anëtarësimit në BE deri në fund të vitit 2028 
