Turqia kërkon të rrisë volumin tregtar në $50 miliardë me Afrikën, me vizitën e kryeministrit të Lesotos (fotot)
19/11 18:15
Një çift i pasur në Britani që hapën një pishinë pa leje në kopshtin e shtëpisë së tyre janë urdhëruar ta mbyllin tashmë nga zyrtarët pas ankesave të fqinjëve për klithmat e vazhdueshme të fëmijëve që prishnin qetësinë e tyre.
Andrew e Richelle Brooks kishin lënë rezidentët e tjerë të shtangur nga kakofonia e zhurmave prej pishinës së tyre, teksa fqinjët ankoheshin për ulërima, këngë dhe zhurma që nuk i lejonin të uleshin të qetë në kopshtet e tyre.
Fqinjët protestues thonin se pas dy vjetësh nuk mund të duronin më trazirat teksa çifti Brooks nisi të priste fëmijë të tjerë si një shkollë noti në pishinën e tyre.
Ata shtonin se zhurma ishte shumë më keq në verë kur hapej mbulesa e lëvizshme e pishinës.
Zonja e zoti Brooks ndërtuan pishinën pak pasi u vendosën në shtëpinë e tyre rreth 1 milionë dollarë në Colden Common, në Hampshire, në jug të Anglisë në 2020 bashkë me tre djemtë e tyre.
Ata pranonin se mbanin festa fëmijësh në pishinë por nuk besonin se kjo mund të shqetësonte fqinjët.
Por bashkia e Winchester tha se ata kishin shkelur rregullat duke kthyer shtëpinë e banimit në një biznes prandaj kjo duhet të ndalonte.
Shefja e këshillit bashkiak Maggie Hill, tha se ankesat e shumta ishin bërë nga rezidentët e zonës ndërsa komentet në favor të aplikimit të çiftit vinin nga prindërit e fëmijëve që merrnin pjesë në mësimet e notit dhe nga njerëz që nuk jetonin në zonë.
Ajo tha në sesion: “Ulërimat e forta e të vazhdueshme bëjnë që rezidentët të mos shijojnë qetësinë e tyre në shtëpi ose në kopsht. Kjo rritej më shumë në motin e ngrohtë, dhe nganjëherë vijonte dhe mbrëmjeve.”
Top Channel
