Video/ Ekzekutohet shqiptari Arjanit Rizaj në Ekuador
10/11/2023 20:29
Vodhi 2.5 mln lekë në fabrikën që administronte, arrestohet 38-vjeçari në Elbasan 20/11 11:29
Një shqiptar i identifikuar si Arjanit Rizaj, 53 vjeç, është ekzekutuar me armë zjarri në Guayaquil të Ekuadorit.
Mediat vendase raportojnë se shqiptari u ekzekutua mbrëmë teksa ndodhej brenda makinës së tij të parkuar para spitalit “Luis Vernaza”.
Autorët kanë qenë me motor dhe pasi kanë qëlluar shqiptarin, janë larguar me shpejtësi në drejtim të paditur. Sipas informacioneve, ata kanë qenë dy persona dhe kanë përdorur një armë zjarri të kalibrit 9 milimetra.
53-vjeçari u fut me urgjencë pranë spitalit ku ndodhej, por për shkak të plagëve të marra ndërroi jetë. Në dëshminë e dhënë para autoriteteve, gruaja e viktimës ka deklaruar se ai nuk punonte sepse ishte pa letra dhe i siguronte paratë nga të afërmit në Shqipëri dhe Kanada.
Ende nuk dihen motivet e atentatit. Vrasja ka ndodhur në të njëjtën ditë kur u arrestua i shumëkërkuari Dritan Rexhepi në Turqi por ende nuk dihet nëse ngjarjet janë të lidhura me njëra tjetrën.
#Guayaquil
Un caso de sicariato ocurrió cerca del sector de emergencia del hospital Luis Vernaza pic.twitter.com/IfrkaCn2m4— Minuto & Medio (@MinMedio) November 10, 2023
Top Channel
