Dhjetëra pako me miell dhe oriz janë bllokuar në Durrës, pasi rezultuan se ishin me insekte.
Nga kontrollet janë kryer 26 marrje mostre kontroll zyrtar, për produktet oriz dhe miell misri i verdhë, nga të cilat kanë rezultuar jokonform me prani të dëmtuesve të produkteve në ruajtje pesë prej tyre, njofton Autoriteti Kombëtar i Ushqimit.
AKU ka bllokuar produktet dhe i ka lënë detyrë subjektit shpërndarës, për tërheqjen e të gjithë sasisë së produktit të shpërndarë në treg.
AKU i bën thirrje konsumatorëve të cilët kanë blerë produktet vetëm nga këto lote, t’i kthejnë pranë subjekteve të tregtimit ku i kanë blerë.
Top Channel
