Avioni përplaset me disa kamionë teksa zbriste në pistë, tre të plagosur 17/11 22:57
16 guvernatorët shtetërorë të Gjermanisë takohen sot me kancelarin Olaf Scholz për të diskutuar mënyrat sesi mund të menaxhohet fluksi i madh i emigrantëve, i kthyer në një kokëçarje të madhe për ta dhe për vetë ekzekutivin gjerman.
Qendrat e pritjes po mbushen, dhe Scholz, i përballur me një trysni të madhe nga opozita dhe të tjerët për ta ndalur këtë trend, e pohoi se edhe “shumë të tjerë duke ardhur”. Mbi një milion ukrainas kanë mbërritur po kështu në Gjermani që prej pushtimit të vendit të tyre nga Rusia fqinjë. Në javët e fundit, Qeveria gjermane ka qenë shumë aktive, duke kaluar edhe një legjislacion i cili lehtëson dëbimin e atyre të cilëve u refuzohet kërkesa për azil, për t’i ndëshkuar trafikantët dhe për t’ua mundësuar azilkërkuesve fillimin e punës sa më shpejt, si dhe vendosjen e kontrolleve të përkohshme në kufijtë me Poloninë, Republikën e Çekisë dhe Zvicrën.
Guvernatorët do t`i kërkojnë kancelarit më shumë para nga qeveria federale për ta përballuar koston e strehimit të emigrantëve. Megjithatë, sërish insistojnë se zgjidhja më e mirë është të frenohet emigracioni i paligjshëm në mënyrë, që siç thonë ata, të jemi të drejtë ndaj integrimit të mirëfilltë të njerëzve që kërkojnë mbrojtje këtu.
Ndërkohë, pak ditë më parë Berlini zyrtar i dha dritën jeshile rregullores për ndryshimin e statusit nga refugjat në emigrante pune, nga e cila do të përfitojnë edhe azilkërkues të refuzuar që kanë hyrë në Gjermani deri dhjetorin e vitit 2022. Atyre u jepet mundësia të dalin nga statusi i azilkërkuesit të refuzuar dhe të hyjnë në statusin e emigrantit të punës me duldung.
Top Channel
