“Martin sot na sheh nga lart”/ Qirinjtë qëndrojnë ende të ndezur në vendin ku u vra 14-vjeçari: Nuk do t’i harrojmë kurrë sytë e tu të bukur si deti 23/11 23:05
Seanca plenare e kësaj të enjteje nisi dhe përfundoi brenda 30 minutave, mes kaosit që krijuan në sallë deputetët e opozitës.
Socialistët qëndruan në këmbë dhe votuan rendin e ditës, pasi karriget e tyre ishin të përmbysura në mes të sallës.
Foltoren “e zuri” deputeti Ervin Salianji, që foli me qytetarët nëpërmjet rrjetit social “Facebook”. Për të penguar vazhdimin e seancës, ai ndezi tymuese në ngjyrë blu dhe lejla, që u përhapën në të gjithë sallën. Nga tymi, nuk u ndje mirë as ish-kryeministri, i cili u largua nga karrigia e tij.
Deputetët e opozitës mbërritën në Kuvend disa minuta para se të niste seanca. Ata përmbysën karriget e deputetëve të mazhorancës dhe morën kartat e tyre. Nuk munguan as përplasjet me tyre. Xhemal Qefalia u përplas me demokratët, pasi mori ‘me detyrim’ karrigen e tij.
Ish-kryeministri Sali Berisha e cilësoi këtë aksion në parlament si grevë. “Ne shpallim grevë. Kjo që shihni është grevë. Më mirë të ikni”, tha ai.
Sipas Berishës dhe deputetëve të tjerë demokratë që e mbështesin këtë aksion, nuk do të ketë më normalitet, nëse “nuk respektohen të drejtat kushtetuese”. Opozita kërkon të miratohen komisionet hetimore që ka kërkuar, të ketë përfaqësuesit e vetë në komisione dhe të “njihet kryetari i PD-së”.
Top Channel
