“Martin sot na sheh nga lart”/ Qirinjtë qëndrojnë ende të ndezur në vendin ku u vra 14-vjeçari: Nuk do t’i harrojmë kurrë sytë e tu të bukur si deti 23/11 23:05
Presidenti francez Emmanuel Macron thekson se bashkimi i Europës është një proces i rëndësishëm, që nuk duhet trajtuar më me indiferencë.
Në konferencën për shtyp me kryeministrin Edi Rama, gjatë vizitës së tij të parë në Tiranë, Presidenti Emmanuel Macron foli për gabime të BE-së në të shkuarën, kur u zvarrit procesi i zgjerimit. Ku veçanërisht Franca dhe qeveria Macron shprehej vazhdimisht skeptike për integrimin e Shqipërisë në Bashkimin Evropian.
“Në 2018-ën unë isha ai që pengoi procesin. Sepse po vinim rrotull. Mbledhja u bë me indiferencë. Thuhej që do të zgjasë edhe më shumë, dhe vendeve të tjera u thuhej herës tjetër do ta shihni, vazhdoni. Unë thashë pastaj që ky proces nuk funksion. Nuk mund të jetë një proces burokratik ku ne hapim kapituj, kjo nuk ndryshon asgjë. U ripolitizua procesi, u bë një reformë e vërtetë. Duhet të nxjerrim pasojat që kjo të jetë e efektshme. Së pari të politizohet, së dyti të vazhdojmë me këto reforma. Duhet të jemi të kthjellët. Kemi përmirësuar gjërat, por kemi akoma shumë për të bërë për këtë epokë të re ribashkimi. Duhet ta bëjmë duke tronditur pak zakonet. Duhet të investojmë në këto vende, në kohën që janë rrugës. Nuk ka kuptim që të flasim për datë. Kjo ecën bashkërisht me angazhimin e vendit. Mos e nënvlerësoni rëndësinë e rrugës drejt BE-së”, tha Presidenti i Francës Emmanuel Macron.
Top Channel
