Gruaja e Assad ka kërkuar divorcin dhe largimin drejt Britanisë së Madhe? Reagon Moska zyrtare: Ja e vërteta 23/12 13:08
Kombëtarja shqiptare pasditen e së martës do të luajë ndeshjen miqësore me Bullgarinë në Air Albania Stadium, një ndeshje kjo që vjen pas fitores së madhe me Çekinë në kualifikueset e Euro 2024.
Trajneri Sylvinho në konferencën për shtyp para ndeshjes tha se do të bëjë ndryshime dhe se nuk e sheh sfidën me Bullgarinë si një miqësore.
“E kam humbur konceptin e miqësores, kemi dërguar një person nga stafi ynë për të parë nga afër Bullgarinë, ata kanë lojtarë në veçanti, sidomos numrin 4, janë lojtarë të gjatë. Është normale që do të bëhen ndryshime 3-4, sepse duhet ruajtur dhe grupi që kemi formuar. Unë kam ndjekur diçka nga Bullgaria, në ndeshjet e grupeve. Dy pikë dhe nuk është e drejtë, por unë mendoj se është një skuadër shumë e rëndësishme. Mbrohen mirë me një bllok me 5 lojtarë, me futbollistë të gjatë dhe të fortë fizikisht”, tha ai.
Së fundmi filluan të qarkullonin zëra për një përplasje mes trajnerit dhe sulmuesit Armando Broja para ndeshjes me Çekinë, me Sylvinhon që qartësoi gjithçka.
“Nuk ka ndodhur asgjë. Ai vjen nga një dëmtim rreth 10-mujor, një kohë shumë e gjatë. Ka luajtur pak kohët e fundit me Chelsea-n dhe në ndeshjen e fundit atje ka luajtur vetëm pjesën e parë. Kishte një problem dhe erdhi këtu. Pasi provuam, në bashkëpunim me mjekët e Chelsea-t, vendosëm që ai nuk është në gjendje për të luajtur, ndaj u kthye atje për t’u ndjekur nga stafi i klubit anglez. Duhet shumë kujdes pas një dëmtimi si ky, ndaj është më mirë që ta ndjekin mjekët e Chelsea-t. Kjo është 100% e saktë mbi atë që ka ndodhur”, u shpreh Sylvinho.
Ne konferencë me trajnerin ishte edhe portieri Tomas Strakosha.
“Jemi të lumtur, grupi është shumë pozitiv kjo është ajo që na ka munguar këto vite. E meritojmë kualifikimin duke arritur edhe vendin e parë, jemi të bashkuar dhe ndaj vijnë edhe rezultatet. Nuk e kisha menduar, tani e mendojmë të gjithë do të jetë e bukur. Shumë lojtarë luajnë në skuadra të mëdha me shumë eksperiencë, e kemi ekipin për të marrë edhe më shumë nga hera e fundit në Europian”, tha Strakosha.
Sfida miqësore mes Kombëtares dhe Bullgarisë do të luhet në orën 18:00 të kësaj të marte dhe do të transmetohet në platformën DigitAlb.
Top Channel
