Trump bën zgjedhjen e radhës në administratë, emëron Chris Wright si Sekretar të Energjisë 17/11 17:22
Sekretari i Shtetit i Vatikanit, kardinali Pietro Parolin i tha Vatican News se sulmi i Hamasit ndaj Izraelit ishte “çnjerëzor” por “mbrojtja legjitime nuk duhet të dëmtojë civilët”.
“Selia e Shenjtë është e gatshme për çdo ndërmjetësim të nevojshëm, si gjithmonë”, tha Parolin, sipas një transkripti të intervistës së dhënë nga zyra e shtypit e Vatikanit.
Kryediplomati i Vatikanit përsëriti thirrjen e Papa Françeskut që të gjithë pengjet e mbajtura nga Hamasi të lirohen. “Sulmi terrorist i kryer nga Hamasi dhe milicitë e tjera të shtunën e kaluar kundër mijëra izraelitëve që ishin gati të festonin ditën e Simchat Torah, duke përfunduar javën e festivalit Sukkot, është çnjerëzor,” tha ai. “Selia e Shenjtë kërkon dënimin e forte të personave përgjegjës.”
Parolin shprehu gjithashtu solidaritet me familjet e pengjeve, por këmbënguli, “është e nevojshme të rifitohet sensi i arsyes, të braktiset logjika e verbër e urrejtjes dhe të refuzohet dhuna si zgjidhje. Është e drejta e atyre që sulmohen të mbrohen, por edhe mbrojtja legjitime duhet të respektojë parametrin e proporcionalitetit.”
Parolin pranoi se gjetja e një zgjidhjeje paqësore mund të mos jetë e mundur. “Unë nuk e di se sa hapësirë për dialog mund të ketë midis Izraelit dhe milicisë së Hamasit, por nëse ka – dhe shpresojmë se ka – ai duhet të ndiqet menjëherë dhe pa vonesë,” tha ai.
“Kjo është për të shmangur gjakderdhjen e mëtejshme, siç po ndodh në Gaza, ku shumë viktima të pafajshme civile janë shkaktuar nga sulmet e ushtrisë izraelite.”
Kardinali ofroi disponueshmërinë e Vatikanit për të ndërmjetësuar duke thënë: “Selia e Shenjtë është e gatshme për çdo ndërmjetësim të nevojshëm, si gjithmonë. Ndërkohë, ne përpiqemi të flasim me institucionet, kanalet e të cilave tashmë janë të hapura. Megjithatë, çdo ndërmjetësim për t’i dhënë fund konfliktit duhet të marrë parasysh një sërë elementësh që e bëjnë çështjen shumë komplekse dhe të artikuluar, si çështja e vendbanimeve izraelite, siguria dhe çështja e qytetit të Jeruzalemit”.
“Një zgjidhje mund të gjendet në dialogun e drejtpërdrejtë midis palestinezëve dhe izraelitëve, i inkurajuar dhe i mbështetur nga komuniteti ndërkombëtar, edhe pse tani do të jetë më e vështirë,” tha ai.
Vatikani ka një histori të gjatë në mbështetjen e paqes në rajon. Papa Gjon Pali II u takua me udhëheqjen palestineze në vitin 1987, gjë që hapi rrugën për një marrëveshje midis Vatikanit dhe Autoritetit Kombëtar Palestinez. Papa Benedikti XVI dhe Papa Françesku vizituan të dy rajonin dhe autoriteti palestinez hapi një ambasadë në Selinë e Shenjtë në vitin 2017.
Top Channel
