Historike! Lara Colturi për herë të parë në podium, menjëherë pas numrit 1 të botës, Mikaela Schiffrin 23/11 14:31
Aktivistja iraniane e të drejtave të njeriut, Narges Mohammadi, është fituesja e Nobelit të sivjetshëm të Paqes.
Lajmin e rëndësishëm, ajo do ta marrë në qelinë e burgut famëkeq Evin të Teheranit, ku po vuan një dënim të gjatë për luftën e saj në mbrojtje të të drejtave të grave iraniane.
Vendimi i komitetit të Nobelit për t’ia dhënë çmimin prestigjoz Mohammadi-t vjen pas më shumë se një viti protestash që kanë tronditur nga themelet Republikën islamike, e që janë kryesuar në masë të madhe nga gratë. Ato shpërthyen shtatorin e vitit 2022 pas vdekjes së 22-vjeçares Mahsa Amini, në duart e policisë iraniane të të moralit. Faji i vetëm i vajzës, ishte se nuk e kishte vendosur sikurse duhej sipas zyrtarëve policore, shaminë e kokës.
Trazirat u përhapën me shpejtësi në të gjithë vendin, me kërkesa që nisnin nga më shumë liri për femrat por edhe edhe të gjithë qytetarët e vendit e deri tek përmbysja e regjimit. Pamjet e grave iraniane që digjnin në mënyrë sfiduese shamitë e tyre të kokës magjepsën botën, por autoritetet vendosë ndërhynë duke i shtypur protestat brutalisht.
Emri i Narges Mohammadit është kthyer në sinonimin e luftës për të drejtat e njeriut në Iran, një betejë që këtij aktivisti i ka kushtuar pothuajse gjithçka. Ajo ka qenë e burgosur për shumicën e dy dekadave të fundit dhe është dënuar në mënyrë të përsëritur për shkak se ka dashur t`i japë zë atyre që nuk dëgjohen nga regjimi.
Top Channel
