Në Kakavijë janë sekuestruar në total 20 520 euro dhe 100 dollarë, ndërsa janë proceduar penalisht 2 persona nga Kuçova që nuk i deklaruan në dalje të RSh-së.
47-vjeçarit Dh. H., iu gjetën 10 365 euro dhe 45-vjeçarit R. K., i janë gjetur 10 155 euro dhe 100 dollarë.
“Si rezultat i angazhimit maksimal të shërbimeve të Policisë Kufitare të PKK Kakavije, për parandalimin dhe goditjen e krimeve kufitare, krahas punës për ofrimin e një shërbimi cilësor dhe etik, qytetarëve në hyrje/dalje, janë goditur 2 raste të mosdeklarimit të të hollave”, thuhet në njoftimin e policisë.
Shumat e parave të padeklaruara nga këta shtetas u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
Top Channel
