Trump shprehu dëshirën për të blerë Groenlandën, vjen menjëherë reagimi i Danimarkës 24/12 18:44
Një vajzë 15- vjeçare është goditur me thikë në autobus teksa shkonte në shkollë dhe për pasojë ka humbur jetën.
Policia britanike ka mbërritur menjëherë në vendngjarje sapo ka marrë informacionin e parë për incidentin e ndodhur në autobusin e linjës mëngjesin e sotëm në Wellesley Road në Croydon, në jug të Londrës.
Pavarësisht përpjekjeve të oficerëve të policisë dhe Shërbimit të Ambulancës në Londër, fatkeqësisht adoleshentja ka ndërruar jetë në vendngjarje në orën 09:21.
Transporti për Londrën ka konfirmuar se goditja me thikë nuk ka ndodhur në autobus.
Kryeinspektori Andy Brittain, tha: “Mendimet tona të menjëhershme janë me familjen e kësaj vajze të re që po përballet me lajmin më tragjik. Oficerët tanë janë me familjen e vajzës për t’i mbështetur. Unë jam në kontakt me komunitetin lokal, i cili është qartësisht i shqetësuar sa edhe ne për këtë incident tragjik.
Policia ka arrestuar një adoleshent pa dhënë detaje se kush është personi i arrestuar dhe çfarë lidhje ka me vajzën.
“Duke vepruar në bazë të informacionit të dhënë atyre, oficerët gjithashtu punuan ngushtë me kolegët e Transportit për të gjurmuar një adoleshent në lidhje me therjen me thikë. Mund të konfirmoj se një arrestim u bë rreth orës 09:45 në zonën e Croydon. Ne besojmë se vajza mund ta ketë njohur vrasësin”, shtoi kryeinspektori, Brittain.
Mediat britanile raportojnë se ajo është adoleshentja e gjashtëmbëdhjetë e vrarë në kryeqytet këtë vit, 13 prej të cilëve u goditën me thikë. Gjithsej 14 adoleshentë u vranë në Londër në vitin 2022. Një rekord prej 30 adoleshentësh u vranë në vitin 2021.
Top Channel
