Dhjetë vite Çmimi Kadare! Jubileu homazh për kolosin e letrave shqipe. Preç Zogaj rrëmben çmimin special
07/11 12:41
Në Tiranë u shfaq premiera e dokumentarit “Revolta e Spaçit” (The Spaç Revolt), realizuar nga fondacioni Kujto me mbështetjen e Ambasadës së Zvicrës në Shqipëri.
Dokumentari me skenar nga Luljeta Progni dhe regji nga Pandeli Çeço solli kronologjinë e revoltës triditore të të burgosurve politikë në Spaç, në maj të vitit 1973. Ngjarjet në dokumentar u rrëfyen nga 8 protagonistë dhe dëshmitarë të kësaj revolte, ish-të dënuar politik.
“Nuk ishte e lehtë mbledhja e dëshmive të të mbijetuarve të Spaçit, pasi gjatë rrëfimeve, ndieja si ringjallej trauma e atyre vuajtjeve. Por dokumentarë si ky janë të rëndësishëm sepse mbeten kujtesë për të tashmen dhe të ardhmen”.– u shpreh skenaristja Luljeta Progni.
Mes të pranishmëve në sallë ishin edhe persona që e vuajtën drejtpërdrejt terrorin komunist apo familjarë të tyre. Ky dokumentar u prodhua dhe u shfaq në kuadër të aktiviteteve të 50-vjetorit të revoltës së Spaçit, një nga ngjarjet më të rëndësishme antikomuniste në gati 50 vjet diktaturë, në Shqipëri.
Top Channel
