Komiteti i Medias së UEFA-s mblidhet në Tiranë, Duka: Të nderuar, sigurojmë që vlerat e futbollit të arrijnë te të gjithë tifozët në Europë 01/11 17:12
Shumica e skuadrës së femrave të Spanjës kanë rënë dakord t’i japin fund bojkotit të tyre, thotë Sekretari i Shtetit spanjoll për Sportin, Victor Francos.
Marrëveshja u arrit në orën 05:00 me orën lokale të së mërkurës pas më shumë se shtatë orësh takime.
Dy nga 23 lojtarët e thirrur për ndeshjet e këtij muaji të Ligës së Kombeve kanë zgjedhur të tërhiqen nga skuadra.
Francos tha se federata spanjolle e futbollit (RFEF) ishte angazhuar për “ndryshime të menjëhershme dhe të thella”.
Lojtaret filluan bojkotin pasi presidenti i atëhershëm i RFEF, Luis Rubiales, puthi sulmuesen Jenni Hermoso pas triumfit të Spanjës ndaj Anglisë në finalen e Kupës së Botës për Femra muajin e kaluar.
Puthja, për të cilën Hermoso tha se nuk ishte konsensuale, çoi në dorëheqjen e Rubiales, ndërsa menaxheri i Spanjës Jorge Vilda u shkarkua.
Spanja do të luajë të premten me Suedinë dhe të martën me Zvicrën në Ligën e Kombeve.
Francos, kreu i agjencisë kombëtare të sporteve të qeverisë spanjolle (CSD), tha: “Është një lajm i mirë të mund të them se skuadra do t’i luajë dy ndeshjet e ardhshme me garanci.”
Ai tha se një vendim u arrit pas bisedimeve “miqësore” në Valencia që përfshinin lojtarët, zyrtarët e RFEF, CSD dhe sindikata e femrave Futpro.
“Do të krijohet një komision i përbashkët midis RFEF, CSD dhe lojtarëve për të ndjekur marrëveshjet, të cilat do të nënshkruhen nesër,” tha Francos. “Lojtarët kanë shprehur shqetësimin e tyre për nevojën për ndryshime të thella në RFEF, e cila është zotuar t’i bëjë këto ndryshime menjëherë”.
Francos tha se lojtaret që kanë zgjedhur të mos luajnë nuk do të përballen me sanksione dhe vendimi i tyre ishte “absolutisht i respektueshëm”.
Top Channel
