Teatri edukativ i kukullave sjell buzëqeshje te fëmijët e kampit në veri të Sirisë (fotot)
23/11 19:25
Regjimenti i 154 rus Preobrazhensky ka marshuar dje në paradën e përvitshme ushtarake të Meksikës, ku prezent ishte dhe presidenti Andres Manuel Lopez Obrador.
Paraqitja ngriti shqetësimin e ambasadores ukrainase Oksana Dramaretska, e cila shkruante në rrjetet sociale: “Sa koherente është politika juaj e neutralitetit dhe dënesa ndaj agresionit rus në Ukrainë zoti Lopez Obrador?”
Ndërsa ambasada ruse në Meksikë shkruante: “Është një nder pjesëmarrja e ushtrisë sonë në eventin e popullit meksikan. Rroftë miqësia mes Meksikës e Rusisë!”
Në paradën e të shtunës përveç kontingjentit rus, merrnin pjesë dhe delegacione nga ushtritë e 19 vende të tjera që ministria vendase e mbrojtjes i quan “vende mike”.
Mes vendeve të prezantuara ishin Belize, Brazili, Kili, Kina, Kolumbia, Kuba, Korea e Jugut, Republika Dominikane, Ekuadori, El Salvador, Guatemala, Honduras, Nepal, Nikaragua, Panamaja, Rusia, Uruguai, Sri Lanka e Venezuela.
Ministria tha se kontingjentet e huaja i shtonin forcën eventit duke “demonstruar vllazërinë që bashkon Meksikën me vende të Amerikës, Evropës e Azië”.
E përditshmja La Prensa, në Nikaragua, publikonte në faqet e saj për prezencën e ushtarakëve të Nikaraguas në paradë duke thënë se paraqitja e tyre përkrah ushtarëve rusë shkaktonte refuzim të politikës së jashtme të presidentit meksikan.
Top Channel
