Harry Maguire ishte në merkato deri në minutat e fundit me mbrojtësin që ishte shumë pranë një transferimi te West Ham.
Megjithatë, në fund palët nuk e arritën marrëveshjen dhe 30-vjeçari është ende pjesë e Manchester United. Trajneri Erik ten Hag e ka aktivizuar pak në këto katër javët e para të Premier League, saktësisht vetëm 24 minuta në sfidën kundër Arsenal. Gjithsesi, me shpeshtimin e ndeshjeve, Maguire thekson se situata do të ndryshojë ndërsa shprehet se do të luftojë për vendin e tij në skuadër.
“Katër javët e para ishin të vështira sepse luanim një ndeshje në javë dhe trajneri nuk më ka zgjedhur si titullar. Por, tani kalendari bëhet edhe më i ngjeshur dhe jam i sigurt se do të luaj shumë ndeshje. Do të luftoj për vendin tim në skuadër, gjithçka varet nga unë. Dua të luaj futboll.
West Ham? Thjesht nuk arritëm marrëveshje, port e United janë të lumtur që unë qëndrova. Por, edhe unë jam i lumtur që do të kem shansin të luftoj për të fituar vendin tim, sa herë stërvitem apo luaj, unë jap gjithçka nga vetja”, përfundoi Maguire.
Top Channel
