Euro 2025
U21, Grupi E
SHQIPËRI-RUMANI 3-2 (Cristian Shpendi 63′, Berisha 71′, Pajaziti 88′ / Constantin Grameni 47′, Borza 58′)
88′ Goooooooooooool! Adrion Pajaziti merr një top nga Stiven Shpendi dhe e dërgon në rrjetë. Shqipëria në avantazh.
83′ Shqipëria në kërkim të golit të fitores. Goditje të njëpasnjëshme, me fat rumunët.
71′ Gooool! Eurogol i kapitenit Medon Berisha. Shpërthen festa në “Elbasan Arena”.
63′ Gooool! Asist i Medon Berishës, gol i Cristian Shpendit, i cili rihap takimin.
58′ Rumania realizon edhe golin e dytë. Me anë të Andrei Borza.
57′ Shans i artë për rumunët për të realizuar golin e dytë.
54′ Shqipëria në sulm. Stiven Shpendi rrotullohet bukur, por goditja e sulmuesit të Empolit përfundon ngjitur me shtyllën pingule.
49′ Kuqezinjtë pa fat. Medon Berisha ndalet nga traversa, mbrojtja rumune largon në vijën fatale gjuajtjen e Arda Kutulan!
47′ Rumania në avantazh 88 sekonda pasi nis fraksioni i dytë i takimit. Portieri Lilo nuk e shkelmon topin siç duhet, rumunët gjejnë golin me Constantin Gramenit.
37′ Gjuan me kokë Louis Munteanu pas një krosimi nga e majta, kontrollon gjithçka Klidman Lilo.
35′ Ndërhyrje e ashpër e Andrei Borza ndaj Medon Berishës. Kryesori kazak vendos ta rinisë lojën me një top të diskutueshëm për rumunët.
22′ Rumania pranë golit. Goditje e rrezikshme e kapitenit Louis Munteanu. Topi kalon ngjitur me shtyllën.
15′ Rumania i afrohet portës së Shqipërisë, por Andrei Borza gjuan keq.
4′ Stiven Shpendi niset nga mesi i fushës, por goditja e tij nuk ka forcën e duhur. Pret pa probleme Razvan Sava.
