U rrëzua gjatë punës nga një lartësi, humb jetën në spital 61-vjeçari në Kurbin. Shpallen në kërkim pronarët e firmës dhe drejtuesi teknik 23/11 12:24
Rithemelimit të Sali Berishës i përsëritet e njëjta problematikë në të garuarin për zgjedhjet e pjesshme lokale në Kukës, njësoj si në 14 Maj.
Zgjidhja i vjen edhe kësaj here prej Ilir Metës.
Në një kohë kur afatet e regjistrimit për subjektet zgjedhore, janë në limitet e fundit Komisioni Ankesave dhe Sanksioneve në KQZ, rrëzoi kërkesën e Grupit të Rithemelimit për të regjistruar PD-në e drejtuar nga Sali Berisha, në zgjedhjet e 24 Shtatorit në Kukës.
KAS la në fuqi vendimin e krye-komisionerit Ilirian Celibashi, i cili njohu dhe regjistroi PD-në e drejtuar nga Lulzim Basha.
Edhe kësaj here për zgjedhjet e Kukësit, shpëtimtari Berishës bëhet aleati Ilir Meta, i cili i çoi për tu regjistruar koalicionin “Bashkë Fitojmë”.
Në funksion të këtyre zgjedhjeve Rithemelimi Berishës zhvilloi primare dhe zgjodhi për garuar ish-oficerin e lartë të policisë së shtetit Emri Vata.
Në fletën e votimit demokratët e Kukësit do ta gjejnë emrin e kandidatit Vara, nën siglën e koalicionit të Ilir Metës “Bashkë Fitojmë”.
Përballë tij socialistët kanë zgjedhur një ekonomist prefektin aktual të qarkut Albert Halilaj i cili bashkë me Pandeli Majkon drejtues politik i PS për Kukësin kanë nisur takimet me elektoratin.
Top Channel
