VIDEO/ U bë “mollë sherri” për Icardin dhe Wanda Nara, aktorja e njohur argjentinase kapet “mat” me pilotin 11 vite më të ri
18/11 17:03
“The Rolling Stones” do të sjellë një surprizë për ndjekësit, një album që pritet të publikohet muajin e ardhshëm, me prurje të reja muzikore pas më shumë se 18 vitesh mungesë.
Gjatë lansimit në Londër, pjesë e së cilës ishin Keith Richards, Ronnie Wood dhe këngëtari kryesor Mick Jagger, ky i fundit dha më tepër detaje gjatë një deklarate.
“Ne jemi këtu për të prezantuar këngën tonë të re, e cila quhet “Angry”, projekti I parë muzikor albumi ynë i ri, i quajtur “Hackney Diamonds”, kjo është arsyeja pse ne jemi në Hackney dhe që do të dalë më 20 tetor”, tha Mick Jagger-këngëtari i grupit “Rolling Stones”.
“Hackney Diamonds”, është albumi i parë i grupit anglez që nga vdekja e bateristit Charlie Watts dhe i pari që përmban materiale origjinale që nga “A Bigger Bang” i vitit 2005.
Në fragmentet e zbuluara, kënga e parë i referohet ngjarjeve të ndodhura në lagjen historike të klasës punëtore në lindje të Londrës.
Ky do të jetë albumi i parë në studio i grupit që nga “Blue & Lonesome” i vitit 2016.
Vitin e kaluar, Stones udhëtuan nëpër Evropë për turneun e tyre të 60-vjetorit, i cili u ndal në qytete duke përfshirë Madridin, Milanon dhe Mynihun, si dhe një performancë në festivalin e verës britanike në Londër.
Pas vdekjes së Wats, vendin e tij në bateri e zuri Steve Jordan, i cili ishte pjesë e turneut.
Top Channel
