Vazhdojnë të përhapen zjarret në Greqi
02/09/2023 13:40
Pagesa më të lira në banka! Hyrja e Shqipërisë në SEPA, vitin e parë kursehen 20 milionë euro 23/11 15:07
Zjarret pyjore po vazhdojnë të përhapen në zonën Dadia afër kufirit greko-turk, dhe zjarrfikësit nuk janë duke arritur t’i kenë nën kontroll për më shumë se dy javë.
Rreth 600 zjarrfikës janë duke punuar për t’i shuar zjarret, përfshirë përpjekjet me helikopterë.
Megjithatë, terreni malor dhe zona e dendur me pyje, bashkë me erërat e fuqishme, është duke e bërë situatën të pakontrollueshme.
Zyrtarët kanë thënë se rreziku nga zjarret në disa pjesë të Greqisë është jashtëzakonisht i madh.
Sipas Mbrojtjes Civile, zjarret janë duke u përhapur edhe në ishujt Euboea, Lesbos dhe Kretë, si dhe në rajonin Atika afër kryeqytetit, Athinës.
Kryeministri grek, Kyriakos Mitsotakis ka thënë javën e kaluar se ndryshimet klimatike qëndrojnë mbrapa një shkalle të tillë zjarresh.
Sipas tij, korriku dhe gushti i këtij viti kanë qenë muajt më të nxehtë dhe të thatë që janë regjistruar ndonjëherë në Greqi.
Ai është zotuar se autoritetet do të ofrojnë ndihmë për njerëzit qe kanë humbur shtëpi, kafshë apo biznese, si pasojë e zjarreve./ rel
Top Channel
