Ministria e Mbrojtjes ruse: Ukraina na goditi me raketat me rreze të gjerë të SHBA-së 19/11 13:31
Gjermania është konsideruar prej kohësh si vendi ku qytetarët mbështesin institucionet.
Por duket se gjërat kanë ndryshuar. Një sondazh i fundit tregoi se vetëm 27 % e qytetarëve gjermanë besojnë se shteti është në gjendje të bëjë mirë punën e tij. Orët e mësimit nuk zhvillohen siç duhet për shkak të mungesës së mësuesve në shkolla. Bashkitë nuk kanë më se ku të strehojnë refugjatët, pritjet për zgjatje apo lëshim dokumentesh përshkruhen si “të përjetshme”, dhe më në fund një bilanc katastrofik vonesash në hekurudhë, duket se lista e problemeve të shtetit gjerman është e gjatë.
Kjo thotë DW ndikon në përkrahjen e qytetarëve, 69 për qinde të cilëve besojnë sot se institucionet shtetërore janë të mbingarkuara dhe se kryerja e detyrave për të cilat u mbahen taksa, është përtej mundësive të tyre. Ulrich Silberbach, president i Shoqatës Gjermane të Nëpunësve Civil (dbb), i cili autorizoi studimin, i konsideron këto shifra shqetësuese.
“Peshku qelbet nga koka” , thotë ai, ndërsa nuk kursen kritikat për stilin e keq të qeverisjes së koalicionit aktual. “Në zyrën e kancelarit kemi një njeri që qytetarët do të kenë udhëheqje nëse duan të kenë një të tillë. Por duket se qytetarët e perceptojnë ndryshe këtë”, ankohet kreu sindikalist.
Gjermanët sipas tij, presin mbështetje nga qeveria në kryerjen e punës së tyre të përditshme. Kjo përfshin kryesisht më shumë punonjës, paga më të mira dhe investime në digjitalizimin e administratës publike, e cila ka mbetur prapa vendeve të tjera të zhvilluara.
Një vështrim më i detajuar i sondazhit tregon se qytetarët janë veçanërisht të pakënaqur me mënyrën se si po trajtohet ceshtja e refugjatëve, të cilën e shohin si problem madhor për shtetin, ndërsa shprehen se ka ende dallime të mëdha në prioritetet e detyrave shtetërore kur bëhet fjalë për pjesën perëndimore dhe atë lindore të vendit.
Top Channel
