Zbuloni disa nga simptomat e kancerit të gjakut 23/11 08:08
“A jeni gati të bëni luftë kimike mbi trupin tuaj?”
Kjo është pyetja e bërë nga një mjek në një nga qendrat kryesore të kërkimit të dermatologjisë në Mbretërinë e Bashkuar, për ata që rekomandojnë injektimin e melanotan II, i njohur gjithashtu si ilaçi ‘Barbie’, për të ndihmuar në pigmentin e errët të lëkurës këtë verë.
Dr Sobia Kauser, një asistent profesor në Universitetin e Bradfordit, ka paralajmëruar gjithashtu për efektet anësore të ilaçit të paautorizuar, të cilat përfshijnë mosfunksionim seksual dhe një rrezik në rritje të kancerit të lëkurës.
“Melanotan II është i paligjshëm për t’u blerë në MB dhe SHBA”, tha Dr Kauser.
“Mund të shkaktojë efekte anësore si humbja e oreksit, mosfunksionimi seksual, lodhja, problemet gastrointestinale dhe një rrezik potencial në rritje për zhvillimin e kancerit të lëkurës si melanoma, pas përdorimit afatgjatë. Nevojiten më shumë studime për të përcaktuar dëmet dhe efektet anësore afatgjata”, është shprehur ai.
Në një rast të regjistruar, të botuar në revistën “Mjekësia seksuale”, një pacient që injektoi ilaçin u shfaq me priapizëm ishemik, një ereksion që zgjati për më shumë se 30 orë.
Megjithatë, përveç efekteve anësore të njohura afatshkurtra, Dr Kauser paralajmëron se, për shkak të faktit se është i parregulluar, efektet anësore afatgjata mbeten “kryesisht të panjohura”.
“Melanotan II është një melanotrop sintetik, një peptid që nxit pigment”, shtoi Dr Kauser.
Ai u krijua si një produkt për nxirjen e trupit pa u nevojitur dielli, por më pas u zbulua se shkakton mosfunksionim seksual.
Ky produkt përfshin rritjen e prodhimit të një pigmenti të quajtur eumelanin pas ekspozimit ndaj rrezatimit ultravjollcë. Rritja e prodhimit të pigmentimit është e dobishme pasi mbron nga efektet e dëmshme të rrezatimit ultravjollcë.
“Melanotan I, derivati i tij i njohur gjithashtu si afamelanotid, u zhvillua dhe përdoret në mjekësi për të parandaluar fototoksicitetin tek individët me protoporfiri eritropoetike, një çrregullim i rrallë gjenetik i lëkurës”, u shpreh mjeku.
Megjithatë, ndërsa melanotan I përdoret në një mjedis klinik nën kujdesin mjekësor, melanotan II shpesh bën xhiron në aplikacionet e mediave sociale duke përfshirë TikTok dhe Instagram, me përdorues të pakualifikuar që promovojnë ilaçin si një produkt për nxirjen e trupit.
Cancer Research UK gjithashtu thekson rreziqet e e ilaçit dhe nxirjes në përgjithësi.
“Në vend që të nxihen, ne inkurajojmë njerëzit të përqafojnë tonin e tyre natyral të lëkurës dhe të shijojnë diellin në mënyrë të sigurte”, tha organizata.
Përveç çështjeve të njohura rreth melanotan II, për shkak se ky produkt shitet dhe blihet në mënyrë të paligjshme, mund të përfshijë substanca të tjera që nuk janë të shënuara në etiketë.
“Ju në thelb po injektoni një kimikat në trupin tuaj me papastërti të panjohura”, tha Dr Kauser. “A është ky çmimi që jeni gati të paguani për t’u dukur më tërheqëse?”
Top Channel
