Jo me doemos burri duhet të jetë ai që shtron pyetjen “A do të martohesh me mua?”, dhe ka shumë artiste të famshme të cilat e kanë marrë vetë këtë hap të rëndësishëm.
Së fundmi u zbulua se këngëtarja shqiptare me famë botërore, Rita Ora ishte ajo që i propozoi të dashurit Taika Waititi për martesë.
“Ajo më propozoi dhe unë i thashë po menjëherë”, tha regjisori për Vogue, një vit pasi dyshja u martuan.
Po ashtu Britney Spears, kur ishte në lidhje me Kevin Federline, ishte ajo që e bëri propozimin. Në episodin e katërt të serialit të saj të vitit 2005, Britney zbuloi se ajo i propozoi Kevin Federline kur ishin në një fluturim për në New York City për të filmuar videoklipin e saj “Outrageous”. Balerini tha se “nuk e priste”.
Një listë e të gjitha çifteve të famshme ku AJO i propozoi për martesë ATIJ:
Rita Ora dhe Taika Waititi
Çifti u martua një vit më parë, ndërsa detajet dhe fotot u zbuluan vetëm para disa ditësh. Waititi tha për Vogue se ishte ylli i popit që i propozoi atij gjatë pushimeve në Palm Springs, pas një viti lidhjeje.
Britney Spears dhe Kevin Federline
Dyshja u martuan në vitin 2004 me propozim të yllit të muzikës dhe patën dy djem. Ata u divorcuan në vitin 2007. Spears dhe Federline janë aktualisht secili me partnerët e rinj Sam Asghari dhe Victoria Prince.
Becca Kufrin dhe Thomas Jacobs
Kurorëzimi i tyre u zbulua në maj 2022, ku ishte ajo që zbuloi kush i kishte propozuar kujt, në mbishkrimin e fotove: “Në kthesën përfundimtare të komplotit…AI THA PO!”. Nga ana e tij, Jacobs e quajti propozimin si “kthesa e madhe e UNI-t”.
Sarah Snook dhe Dave Lawson
Ylli i Succession u martua fshehurazi në mes të pandemisë së koronavirusit. Ajo zbuloi në një intervistë të tetorit 2021 për Vogue Australia se ishte ajo që bëri propozimin.
“Ne kemi qenë miq që nga viti 2014, kemi jetuar së bashku, kemi udhëtuar së bashku, gjithmonë të emocionuar për të parë njëri-tjetrin, por krejtësisht platonike,” tha aktorja australiane për revistën. “Unë i propozova dhe u martuam në shkurt në oborrin e shtëpisë time.” -tregoi ajo.
Jodie Turner-Smith dhe Joshua Jackson
“Ajo më pyeti në natën e Vitit të Ri. Ne ishim në Nikaragua. Ishte shumë e bukur, tepër romantike. Ne po ecnim në plazh dhe ajo më kërkoi të martohesha me të,” zbuloi Jackson gjatë një interviste në korrik 2021 në The Tonight Show.
Jennifer Hudson dhe David Otunga
Ndërsa aktori dhe mundësi David Otunga i propozoi këngëtares Jennifer Hudson në ditëlindjen e saj në vitin 2009, ylli i Cats ia ktheu favorin pesë muaj më vonë në ditëlindjen e tij kur i kërkoi publikisht nëse dëshironte akoma të martohej me të. Dyshja, të cilët mirëpritën djalin David Jr. në të njëjtin vit kur u fejuan, u divorcuan në vitin 2017.
Kristen Bell dhe Dax Shepard
Bell i propozoi atij në vitin 2013, vetëm pak vite pasi i propozoi ai në vitin 2009. Dyshja festuan momentin historik duke u martuar në një gjykatë.
Haley Lu Richardson dhe Brett Dier
Ylli i “The Edge of Seventeen” i kërkoi aktorit “Jane the Virgin” të martohej me të, ndërsa ata po hanin pica në qendër. Ata shijuan momentin e ëmbël duke i dhuruar njëri-tjetrit unazat që i bënë nga degëzat e një shkurreje aty pranë. ”
Pink dhe Carey Hart
Këngëtarja e “So What” e bëri pyetjen e kurorzimit të dashurisë së saj në vitin 2005, ndërsa ai konkurronte në finalet e Pro 250 në Mammoth, Kaliforni. Ajo mbajti një tabelë ku shkruhej: “A do të martohesh me mua? E kam seriozisht!” Ata u martuan dhe mirëpritën dy fëmijë: vajzën Willow në 2011 dhe djalin Jameson në 2016.
Judy Sheindlin dhe Jerry Sheindlin
Ylli i Judge, Judy Sheindlin tregoi për propozimin e saj për bashkëshortin Jerry, me të cilin u martua në vitin 1991 për herë të dytë. Ata ishin martuar në vitin 1977 dhe “rifreskuan” betimet që i kishin bërë njëri-tjetrin. “Këtë herë isha unë që i propozova atij”-tregoi ajo në 2013-tën.
Diane von Furstenberg dhe Barry Diller
Dizajnerja e modës refuzoi disa propozime nga themeluesi i Fox Broadcasting Company, por më në fund vendosi ta bënte ajo popozimin. Ata janë të martuar që nga viti 2001.
Lindsey Vonn dhe PK Subban
Skiatorja kampione e Amerikës i propozoi yllit të hokejit në akull në dhjetor 2019, vetëm disa muaj pas propozimit të tij. Ata u ndanë në dhjetor 2020.
Gretchen Rossi dhe Slade Smiley
Aktorja Gretchen Rossi i kërkoi Smiley-t të martohej me të gjatë një episodi të serialit The Real Housewives of Orange County në vitin 2013. Ata u bënë prindër në 2019 dhe tashmë festojnë 10 vjetorin e martesës
Elizabeth Taylor dhe Michael Wilding
Aktorja e Kleopatrës që vdiq në moshën 79-vjeçare, u martua 8 herë. Nga martesat e saj të shumta, ishte ajo që i propozoi aktorit të Stage Fright. Ata u martuan në 1952 dhe u divorcuan në 1957.
Top Channel
