VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Lenglet në orbitën e Milanit. Sipas të përditshmes Italiane “Corriere dello Sport” klubi kuqezi po mendon të bëjë një ofertë për mbrojtësin e Barcelonës, i cili sapo është rikthyer nga huazimi.
Francezi, i cili nuk bën pjesë në planet e trajnerit Xavi, mund të jetë i sakrifikuari i radhës për të rregulluar sadopak problemet financiare të katalanasve të cilët e vlerësojnë ish-lojtarin e Sevilla-s rreth 10 milionë Euro, shifër kjo e përballueshme për “Kuqezinjtë”.
28-vjeçari është pjesë e Barcelonës që nga qershori i vitit 2018 ku u transferua nga Sevilla për 40 milionë Euro, teksa sezonin e fundit e kaloi në huazim tek Tottenham dhe kontrata e tij skadon në vitin 2026.
Me Araujo, Kounde dhe blerjen më të re Inigo Martinez, duket sikur për francezin nuk ka më vend në ekip, me Barcelonën që i duhet të shesë lojtarë në mënyrë që të rregullojë financat. Transferimi tek Milan-i duket opsioni më i mirë për mbrojtësin, i cili do të duhet të largohet në kërkim të hapësirave.
Clement Lenglet midis Barçës dhe Sevillas ka bërë gjithsej 157 paraqitje në La Liga, duke shënuar edhe 7 gola, teksa ka bërë dhe 15 paraqitje me përfaqësuesen franceze./SuperSport
Top Channel
