Është thirrur nga Prokuroria Speciale/ Kryeministria letër Gjykatës: Kurti s’ka refuzuar të dëshmojë, por… të pyetet në zyrën e tij 28/02 15:24
Miroslav Lajçak
I dërguari i Bashkimit Evropian për dialogun Kosovë-Serbi, Mirosllav Lajçak, e ka mirëpritur vendimin për zvogëlimin e pjesëtarëve të Policisë së Kosovës me 25%, përreth objekteve komunale në veri të Kosovës.
Përmes një postimi në Twitter, Lajçak shprehet se ky është një hap i rëndësishëm drejt deeskalimit të plotë të tensioneve në veri të Kosovës.
“E mirëpres vlerësimin e parë të përbashkët të sotëm të sigurisë ndërmjet Policisë së Kosovës,EULEX-it në Kosovë dhe KFOR-it siç është rënë dakord në Bratislavë. Ky është një hap i rëndësishëm drejt deeskalimit të plotë të tensioneve në veri të Kosovës”, ka shkruar Lajçak në Twitter.
I welcome today’s first joint security assessment between Kosovo Police, @EULEXKosovo and @NATO_KFOR as agreed in Bratislava. This is an important step towards full de-escalation of the tensions in the north of Kosovo.
— Miroslav Lajčák (@MiroslavLajcak) August 3, 2023
Numri i policëve rreth komunave veriore ka nisur të reduktohet, sipas një marrëveshje të arritur në Brastislavë mes Kosovës dhe BE-së.
Top Channel
