“Serbia nuk luan dot me Kosovën”/ Deputeti gjerman, Thomas Hacker: Bisedime të reja pas zgjedhjeve
24/11 12:24
Opozita kërkon hetim të rasteve të keqpërdorimeve nga ana e Qeverisë së Kosovës.
Nënkryetarja e Partisë Demokratike të Kosovës, Vlora Çitaku thotë se institucionet e drejtësisë duhet të veprojnë sa më shpejt, pasi qytetarët janë duke i vuajtur pasojat.
“Ftojmë institucionet e rendit, policinë dhe prokurorinë, që urgjentisht të hetojnë të gjitha aferat e kësaj Qeverie dhe të mos lejojnë prishjen dhe humbjen e provave: Sikur që kanë humbur vajin dhe grurin”, shprehet ajo.
Çitaku kërkon llogaridhënie nga kreu i Qeverisë, Albin Kurti për përfshirjen e ministrave dhe eksponentëve të tjerë në këto skandale.
“Por çfarë ka bërë kryeministri Kurti? Kryeministri Kurti në Parlamentin e Kosovës ka goditur prokurorinë në vend që t’i jep mbështetje institucioneve të drejtësisë, kryeministri Kurti dhe eksponentët e lartë të qeverisë kanë goditur gazetarët në vend se t’i mbrojnë dhe t’i promovojnë ata”.
Ndërkohë, nga Lidhja Demokratike e Kosovës shkruajnë që Qeveria e Kosovës e ka shkelur katër herë Kushtetutën e Kosovës.
“Shkelja e parë e kësaj qeverie ishte kur sipas tyre ministrja e Arsimit, Arbërie Nagavci kishte ndërhyrë në kompetencat e Komunës së Kamenicës për reformën në arsim. Shkelja tjetër është bërë me Ligjin për Këshillin Prokurorial i cili u hartua nga ministrja e Drejtësisë Albulena Haxhiu paraqet shkeljen e dyte kushtetuese, ndërsa një tjetër është pezullimi i vendimeve të Komunës së Prishtinës dhe shkelja e katërt është shkarkimi i tetë anëtarëve të bordit të RTK-së”.
Opozita është duke kërkuar që vendi të shkojë në zgjedhje të parakohshme, pasi cilësojnë se qeveria e udhëhequr nga Albin Kurti është duke i shkaktuar dëm Kosovës.
Top Channel
