Mbi 40 të vrarë nga sulmet pakistaneze në Afganistan, në mesin e viktimave më shumë gra dhe fëmijë 25/12 14:03
I ankoruar pesë milje larg brigjeve të Jemenit për më shumë se 30 vjet, një supercisternë e kalbur që mbante në brendësi një milion fuçi naftë, më në fund po shkarkohet nga një mision i udhëhequr nga Kombet e Bashkuara, duke shpresuar të shmangë atë që kërcënonte të ishte një nga fatkeqësitë më të këqija ekologjike në botë për dekada.
Ekspertët tani po e trajtojnë me delikatesë anijen 47-vjeçare “FSO Safer”, duke punuar për të hequr naftën e papërpunuar tërësisht, pa e pjesëzuar në cisterna dhe pa shpërthyer në derdhje masive.
I ulur në majë të ”The Endeavour”, anija e shpëtimit e OKB-së që mbikëqyr shkarkimin, rezidenti dhe koordinatori humanitar i OKB-së për Jemenin, David Gressly tha se operacioni vlerësohet të kushtojë 141 milionë dollarë dhe po përdor ekspertizën e SMIT, kontraktorit të gërmimit edhe në det të hapur që ndihmoi në largimin e anijes “Ever Given” që bllokoi Kanalin e Suezit për gati një javë në 2021.
Njëzet e tre shtete anëtare të OKB-së po financojnë misionin, me 16 milionë dollarë të tjera që vijnë nga kontribuesit e sektorit privat. Donatorët përfshijnë kompaninë më të madhe private të Jemenit, HSA Group, e cila premtoi 1.2 milionë dollarë në gusht 2022. OKB-ja gjithashtu u angazhua në një përpjekje unike për financimin e shumtëve, duke kontribuar në grupin që mori një vit për t’u mbledhur, sipas Gressly.
Ekipi po pompon midis 4,000 dhe 5,000 fuçi naftë çdo orë dhe deri më tani ka transferuar më shumë se 120,000 fuçi në anijen zëvendësuese që transportonte naftën e shkarkuar, tha Gressly. Transferimi i plotë pritet të zgjasë 19 ditë.
Cisterna mbante një milion fuçi naftë. Kjo do të mjaftonte për të furnizuar me energji deri në 83,333 makina ose 50,000 shtëpi në SHBA për një vit të tërë. Nafta e papërpunuar në bord vlen rreth 80 milionë dollarë, dhe kush e merr atë mbetet një çështje e diskutueshme.
Top Channel
