Top Channel Films prezanton…”Guxim” nga Drilon Hoxha, këtë të premte ora 21:00 premierë vetëm në Top Channel! 12/12 15:44
“Openheimer” është filmi që tregon historinë e “babait” të bombës atomike që sillet në jetë nga Christopher Nolan.
Regjisori i shumëçmuar njihet për vëmendjen ndaj detajeve, gjë të cilën e ka dëshmuar përmes produksioneve të mëdha që ka ndërmarrë. Mirëpo, te “Oppenheimer” i ka shpëtuar diçka, të cilën e kanë pikasur shikuesit më të vëmendshëm.
Në një skenë ku Oppenheimer, i luajtur nga Cillian Murphy, është në një turmë spektatorësh që mbajnë flamuj amerikanë, diçka shkoi keq. Shikuesit vunë re një gabim që shkakton një pasaktësi historike të filmit. Sipas tyre, spektatorët kanë në duar një flamur që në atë kohë nuk ekzistonte.
Kjo skenë e veçantë sipas atyre që e panë filmin ndodh në vitin 1945. Flamujt në turmë kanë 50 yje, njësoj si shtetet e SHBA-së sot, vetëm se në atë skenë normalisht duhet të kishte 48 yje. Yjet e 49-të dhe të 50-të në konstelacion u shtuan përkatësisht në vitin 1959 dhe 1960 me aneksimin e Alaskës dhe Havait në Shtetet e Bashkuara të Amerikës./ TAR
Top Channel
