Elon Musk ka deklaruar sot përmes një postimi se do të ndryshojë logon e Twitter: Së shpejti do t’i japim lamtumirën markës Twitter dhe gradualisht të gjithë zogjve.
Gjithashtu në postimin e tij pronari miliarder i platformës së mediave sociale shkruan: Nëse një logo mjaft e mirë postohet sonte, ne do ta bëjmë që të shfaqet në mbarë botën nesër.
And soon we shall bid adieu to the twitter brand and, gradually, all the birds
— Elon Musk (@elonmusk) July 23, 2023
If a good enough X logo is posted tonight, we’ll make go live worldwide tomorrow
— Elon Musk (@elonmusk) July 23, 2023
Musk postoi një imazh të një “X” që dridhej dhe më vonë në një bisedë audio në Twitter Spaces, pohoi deklaratën e tij, duke shtuar se duhej bërë ky ndryshim kohë më parë.
Nën mandatin e trazuar të Musk që kur bleu Twitter në tetor, kompania ka ndryshuar emrin e biznesit në X Corp, duke reflektuar vizionin e miliarderit për të krijuar një “super aplikacion” si WeChat i Kinës.
Zogu u zëvendësua përkohësisht në prill nga qeni Shiba Inu i Dogecoin, duke ndihmuar në rritjen e vlerës së tregut të monedhës meme.
Kompania u kritikua gjerësisht nga përdoruesit dhe profesionistët e marketingut, kur Musk njoftoi në fillim të këtij muaji se Twitter do të kufizonte sa tweet-e në ditë.
Top Channel
