![](https://top-channel.tv/wp-content/uploads/2024/06/01000000-0aff-0242-58cf-08dc9144d54a_w1597_n_r1_st_s_sd-800x450.jpg)
21/06 07:31
Prej 7 vitesh varrezat publike të fshatit Belishove në bashkinë e Mallakastrës dëmtohen sistematikisht nga persona ende të paidentifikuar duke u kthyer në problem shqetësues për banorët e zonës.
Banorët tregojnë për mikrofonin e Top Channel se në periudha të ndryshme kohore fotografitë dhe qivuret e të ndjerëve thyhen e dëmtohen, ndërsa theksojnë se problemin e kanë denoncuar në polici e madje çështja e tyre ka përfunduar deri në prokurori por vijon të mbetet e pazgjidhur.
Banorët tregojnë se më shumë se 50% e varreve, janë dëmtuar teksa theksojnë se dëmi material është i papërfillshëm kundrejt atij shpirtëror.
Përballë kësaj situate ata apelojnë njëzëri për zgjidhje të këtij problemi shumëvjeçar.
Top Channel