Ushtruesi i detyrës së OVL–UÇK-së, Faton Klinaku ka reaguar pas miratimit të Projektligjit për pagën minimale në Kuvendin e Kosovës.
Klinaku ka thënë se ashtu siç është njoftuar nga mediat, deputetët e këtij pushteti, e kanë kaluar ligjin për pagën minimale duke i hequr veteranët e luftës së UÇK-së.
Ai ka shkruar në Facebook se do të takohen me organet drejtuese dhe do të vendosin për hapat e mëtejmë.
“Siç po e marr vesh nga mediat, pasi u largua opozita nga salla, në terr, deputetët e këtij pushteti të paskrupullt, e kanë kaluar ligjin për pagën minimale duke i hequr veteranët e luftës së UÇK-së. Ne do të takohemi si organe drejtuese dhe do të vendosim për hapat që do t’i ndërmarrim”, ka shkruar Klinaku.
Top Channel
