“Qeveria duhet të kalojë në votëbesim”, Spahiu: Për këtë ngjarje duhen zgjedhje të parakohshme

Sipas tij, qeveria duhet të kalojë në votëbesim, ndërsa shtoi se nuk do të jetë vetëm ish zv. kryeministri, por edhe zyrtarë të tjerë.

Spahiu: Në këtë kontekst edhe rreziku që i paraprin me dënimin dhe vitet e burgut është i rëndë për tre veprat, kemi të bëjmë me 6 ngjarje, nuk kemi të bëjmë me fillim të hetimeve, kemi të bëjmë me një aktakuzë dhe është bërë copy paste dhe çuar në gjykatë, kemi të bëjmë me mbyllje të hetimeve. A duhej të arrestohej? Ndodh kur është në flagrancë, në këtë rast kemi të bëjmë me ndalim, merret 48 orë nga policia dhe gjykata do ta vlerësojë ndalimin. Unë parashikoj që nuk do të kemi vetëm Arben Ahmetajn, se ai akuzohet në bashkëpunim në pastrimin e produkteve të veprës penale. Për të njëjtën provë që akuzohet janë arrestuar persona të tjerë, është një zyrtare Etleva, është arrestuar për të njëjtën provë të pagesave të zotit Zoto që ka bërë jashtë. A kemi të bëjmë me një histori inkurajuese apo dekurajuese. Askush nuk mund të fshihet pas gishtit, është një vepër që janë përfshirë disa deputetë dhe ministra. Kjo qeveri duhej të shkonte në votëbesim ose zgjedhje të parakohshme. Se kujt i interesojnë zgjedhjet e parakohshme nuk i hyj kësaj, nuk dua të spekuloj. Është i njëjti subjekt për gjashtë vepra të ndryshme.

Këtë të hënë, Prokuroria e Posaçme Anti Korrupsion depozitoi në kryesinë e Kuvendit kërkesën për marrje au torizimi për arrestimin/ heqjen e lirisë dhe ushtrimin e kontrollit të banesës së deputetit Arben Ahmetaj.

Këshilli i Mandateve do të mblidhet ditën e martë në orën 16:00, për të shqyrtuar kërkesën e SPAK, mbi ish-zv/kryeministrin Arben Ahmetaj. Mbledhja do të zhvillohet me dyer të mbyllura me qëllim respektimin e kuadrit ligjor procedurial penal mbi ruajtjen e sekretit hetimor.

Top Channel