Fisi Rraja dhunoi barbarisht dy persona në Krujë, policia shpall në kërkim Rexhep Rrajën
07/07/2023 21:21
Si ndodhi vrasja e 28-vjeçarit në Fier? Autori dhe efektivi i forcave “Shqiponja” dyshohet se debatuan për… 13/05 18:35
Policia ka shpallur në kërkim Rexhep Rrajën, djalin e deputetit socialist Rraham Rraja.
Ai është shpallur në kërkim pasi anëtarë të fisit Rraja kanë ushtruar dhunë barbare ndaj Bilbil e Jashar Maja, të cilët ishin ankuar për dëmet që iu shkaktonin në banesa shpërthimet e gurores në pronësi të Përparim Rrajës.
“Në vazhdim të veprimeve hetimore në lidhje me ngjarjen e ndodhur me datë 06.07.2023, ku në një lokal në aksin rrugor Fushë Krujë-Thumanë, një grup personash kanë goditur me sende të forta shtetasit B. M., dhe J. M., Policia e Shtetit ka ndaluar 4 persona dhe ka shpallur në kërkim 3 të tjerë.
Në vijim të veprimeve hetimore është identifikuar dhe shtetasi R. Rr., për të cilin janë dërguar materialet pranë Prokurorisë së Gjykatës së Shkallës së Parë të Juridiksionit të Përgjithshëm Tiranë.
Shtetasi R. Rr., është shpallur në kërkim policor dhe vijon puna nga shërbimet e Policisë, për lokalizimin dhe kapjen e tij.
Vazhdon puna për identifikimin e personave të tjerë të përfshirë në këtë ngjarje.”-njofton policia.
Top Channel
