Zbuloni disa nga simptomat e kancerit të gjakut 23/11 08:08
Çfarë është epigjenetika?
Është një studim i ndryshimeve të trashëgueshme në shprehjen e gjeneve pa përfshirë ndryshime në sekuencën themelore të ADN-së. Një ndryshim në fenotip pa një ndryshim në gjenotip ndikon në mënyrën se si qelizat lexojnë gjenet. Ndryshimi epigjenetik është një dukuri e rregullt dhe e natyrshme. Por, ai mund të ndikohet nga disa faktorë duke përfshirë moshën, stilin e jetesës, dietën, mjedisin dhe gjendjen e sëmundjes.
Nutricionistja Anjali Mukerjee në një postim në Instagram hodhi dritë mbi ndikimin e pabesueshëm që zgjedhjet tona të përditshme mund të kenë tek gjenet. Sipas Mukerjee, vendimet e përditshme që merrni për dietën dhe stilin e jetës tuaj kanë një efekt të thellë në shprehjen e gjeneve tuaja. Kjo quhet epigjenetikë.” Epigjenetika, siç shpjegon Mukerjee, është të kuptuarit se gjenet tona nuk janë fati ynë i vetëm. Faktorë si dieta, mënyra e jetesës dhe mjedisi luajnë një rol të rëndësishëm në formësimin e mirëqenies sonë të përgjithshme.
Anjali Mukerjee tregon më tej se 90% e të gjitha shenjave të plakjes dhe sëmundjes, shkaktohen nga dieta e dobët dhe zgjedhjet e gabuara të stilit të jetesës.
Bota që ne krijojmë, si nga brenda ashtu edhe nga jashtë, ka rëndësi dhe ka një ndikim të rëndësishëm tek gjenet. Brenda, ajo përfshin atë që konsumojmë, ushqimet që hamë dhe lëngjet që pimë.
Duke hedhur dritë mbi faktorët e jashtëm, Mukerjee pyet: A po jetoni me njerëz toksikë? A po shkaktoni emocione toksike te njerëzit? A jetoni në mjedise johigjienike? A ka shumë pluhur dhe marimangat, myk dhe kërpudha rreth jush?” Këta faktorë të jashtëm mjedisor, sipas nutricionistit, mund të ndikojnë edhe në mirëqenien tuaj.
Anjali Mukerjee thekson se stili i jetesës dhe zgjedhjet dietike kanë më shumë rëndësi sesa vetë ADN-ja. Ata kanë fuqinë të formojnë mënyrën se si dukeni dhe ndjeheni për 30-50 vitet e ardhshme të jetës suaj.
Top Channel
