Zbuloni ushqimet që ndihmojnë në humbjen e peshës dhe përmirësojnë metabolizmin 16/11 19:10
Shkencëtarët kanë identifikuar se si një substancë specifike luan një rol kyç në përhapjen e kancerit të prostatës dhe në vështirësinë për t’u trajtuar.
Ata shpresojnë se kjo gjetje mund të ofrojë mundësi të reja trajtimi për kancerin agresiv të prostatës.
Një ekip në Universitetin Nottingham Trent zbuloi se ‘transglutaminaza 2’ (TG2), e cila është e bollshme në shumë prej qelizave të trupit, është përgjegjëse në përparimin dhe përhapjen e sëmundjes.
Në Mbretërinë e Bashkuar, kanceri i prostatës është kanceri më i zakonshëm tek meshkujt, me më shumë se 52,000 të diagnostikuar çdo vit. Qelizat e hershme të kancerit të prostatës kërkojnë që hormoni mashkullor androgjen të rritet.
Megjithatë, ato mund të bëhen të pavarura nga androgjeni dhe për këtë arsye më të vështira për t’u trajtuar me terapitë aktuale, pasi ato përparojnë.
Studiuesit sugjerojnë se deri më tani nuk ka qenë e qartë se si ndodh ky proces.
“Ky zbulim ka hapur një rrugë të rëndësishme për të kuptuar mekanizmat e tjerë kyç që qelizat e kancerit të prostatës përdorin për të shmangur rrugët kryesore rregullatore,” Dr Adeola Atobatele, një shkencëtare në studim.
Studimi i ri zbuloi se një formë mutante e TG2 është e mbi prodhuar në kancerin e prostatës dhe mbetet e bllokuar brenda bërthamës së qelizave.
Atje ai kufizon nivelet e përgjigjes së androgjenit, duke i bërë qelizat e kancerit më agresive të pavarura nga androgjeni. Ai gjithashtu rrit sasinë e proteinës mucin-1, e cila njihet si përgjegjëse për rritjen dhe përhapjen e kancerit.
Mucin-1 formon një pengesë mukoze në sipërfaqet e qelizave e cila mbron qelizat e kancerit, zbuluan studiuesit. Kur studiuesit analizuan biopsitë e kancerit të prostatës, ata identifikuan nivele të rritura të TG2.
Bazuar në gjetjet, ekipi propozon që kontrolli i aktivitetit të TG2 dhe mucin-1 mund të ofrojë një opsion të ri terapeutik për kancerin agresiv të prostatës.
Shkencëtarja kryesore Dr Elisabetta Verderio Edwards, nga Shkolla e Shkencës dhe Teknologjisë e Universitetit Nottingham Trent, tha: Ne donim të eksploronim pse disa qeliza kanceroze bëhen të pavarura nga androgjeni dhe si rezultat më agresive dhe më të vështira për t’u trajtuar. Transglutaminaza është një proteinë shumë funksionalë në të gjitha indet dhe është e përfshirë në procese të shumta. Tani kemi thelluar të kuptuarit tonë për rolin e tij kyç në sëmundjet agresive te pacientët me kancer të prostatës. Të kuptuarit e kësaj rruge është tepër e rëndësishme. Ky proces luan një rol kyç në aftësinë e kancerit për t’iu shmangur trajtimit dhe kështu kërkon hetim të mëtejshëm për sa i përket trajtimit dhe terapisë së mundshme në të ardhmen.
Studimi i fundit, i cili përfshiu edhe Universitetin e Spitalit Poliklinik (Universiteti i Mesinës) në Itali, është publikuar në revistën Cell Death and Disease.
Top Channel
