“Serbia nuk luan dot me Kosovën”/ Deputeti gjerman, Thomas Hacker: Bisedime të reja pas zgjedhjeve
24/11 12:24
Ministri i Punëve të Brendshme, Xhelal Sveçla, ka pritur në takim tre policët, të cilët mbaheshin në qeli nga Serbia.
Sveçla u shpreh se ky rast ishte i planifikuar dhe Serbia duhet të gjykohet për agresionin e saj.
“Që të tre zyrtarëve policorë në seancën e sotme gjyqësore në Kralevë i’u është konfirmuar aktakuza dhe janë liruar me procedurë të rregullt, ç’ka nënkupton se ndaj të njëjtëve do të vijojnë thirrjet dhe përndjekjet nga Serbia. Gjendja e tyre shëndetësore fizike është relativisht e mirë por me vullnet të fortë dhe kurajë për të vazhduar detyrën në mbrojtje të kushtetutshmërisë dhe ligjshmërisë”, thuhet në deklaratën e Ministrisë së Punëve të Brendshme.
Tre policëve të cilët u liruan sot, Sveçla u ka ofruar mbështetjen e gjitha institucioneve të Kosovës.
“Ministri Sveçla shprehu mbështetjen e të gjitha institucioneve të Republikës së Kosovës duke theksuar përkushtimin që ky rast i paprecedentë i Serbisë të mos kalojë pa përgjegjësi. Ky rast i montuar ndaj pjesëtarëve të Policisë duhet të mbyllet pa kushte dhe në tërësi. Serbia duhet të gjykohet për agresionin e saj”, shkruhet në komunikatë.
Policët kufitarë, Rifat Zeka, Beqir Sefi dhe Mustafë Shema, u rrëmbyen nga forcat serbe në 14 qershor, teksa ishin në detyrë zyrtare në Kosovë.
Top Channel
