Gjykata e Hagës lëshon urdhër-arresti për kreun e qeverisë ushtarake të Mianmar, për persekutim të pakicës muslimane (fotot)
27/11 17:15
Presidenti i SHBA, Joe Biden teksa po ecte nga rezidenca e Shtëpisë së Bardhë për në një konferencë mbi krizën e shpalosur në Rusi, ishte i paqartë se si një kolonë mercenarësh të grupit Wagner që arriti të avanconte me shpejtësi drejt Moskës mund të ndikonte në luftën në Ukrainë.
As nuk dihej nëse trupat ruse nën komandën e Presidentit Vladimir Putin kishin vullnetin për t’i luftuar ata. Një gjë, megjithatë, dukej e qartë: çfarëdo që po ndodhte në autostradën M-4 në Rusinë jugore, kishte potencialin të ndryshonte rrjedhën e asaj që është bërë një konflikt përcaktues i presidencës.
Asnjëherë në 16 muajt që kur Rusia pushtoi Ukrainën, kontrolli i Putinit në pushtet nuk është shfaqur aq i paqëndrueshëm sa këtë fundjavë. Për Biden-in, ky moment ishte një kujtesë se sa e paparashikueshme mbetet kriza, edhe pse zyrtarët amerikanë të inteligjencës kanë arritur të zbulojnë shenja se fuqia e Putinit po rrëshqet.
Një objektiv parësor ka qenë mohimi i preteksit të Putinit për të akuzuar Perëndimin se e dëshironte vdekjen e tij. Në një telefonatë me presidentin francez Emmanuel Macron, kancelarin gjerman Olaf Scholz dhe kryeministrin britanik Rishi Sunak, Biden u kërkoi aleatëve për të mos besuar në asnjë moment pretendimet e Putin për ndërhyrje perëndimore.
Mesazhi, sipas njerëzve të njohur me thirrjen, ishte mbajtja e temperaturës së ulët dhe lejimi i çdo gjëje që po ndodhte në terren në Rusi të luhej. Siç i ka thënë Biden ekipit të tij prej muajsh, qëllimi i tij është të parandalojë “Luftën e Tretë Botërore”.
Një mesazh i ngjashëm u dërgua nga Uashingtoni për ambasadat amerikane në botë, në të cilin u kërkohej nga qeveritë pritëse, të përcillnin se “Shtetet e Bashkuara nuk kanë ndërmend të përfshihen në këtë çështje”.
Përndryshe, postat diplomatike u udhëzuan që “të mos angazhojnë në mënyrë proaktive zyrtarë të qeverisë pritëse” për këtë çështje, sipas një personi të njohur me mesazhin.
Një mesazh iu dërgua gjithashtu qeverisë ruse nga administrata që përforconte se SHBA nuk do të përfshihej, sipas njerëzve të njohur me këtë çështje.
Tani, Biden dhe ekipi i tij po punojnë për të kuptuar ngjarjet e ditëve të kaluara dhe për të përcaktuar se çfarë do të ndodhë më pas. Marrëveshja e papritur e ndërmjetësuar nga Bjellorusia për t’i dhënë fund krizës vështirë se u ka dhënë zyrtarëve amerikanë besimin se situata është plotësisht e qetë. Sipas zyrtarëve amerikanë, kjo mund të përforcojë dyshimet ekzistuese brenda Rusisë për udhëheqjen e Putinit.
Top Channel
