Shtohen tumoret në aparatin tretës! Mjekët: Duhen më shumë kontrolle, problem ushqimi dhe stili i jetës
15/12 19:42
Në emisionin “Hipokrati” në Top Channel ka qenë i ftuar urologu Artan Koni i cili ka dhënë përgjigje të pyetjeve të shumta që kanë lidhje me gurët në veshka.
Ai shprehet se aktiviteti fizik dhe pirja e ujit janë shumë të rëndësishme në nxjerrjen e tyre jashtë.
“I rekomandojmë që të pine shumë ujë, të bëjnë aktivitet fizik. Në çastin kur kanë gurë të pinë shumë ujë që ta ulin gurin për poshtë. Të bëjnë aktivitet fizik, mundësisht të hidhen me litar në shtëpi që të lëvizë guri, të bëjnë xhiro me biçikletë, të futen në rrugë me gropa që ta tundin veshkën kur është në fazën e parë. Nëse nuk funksionon për një jave ose dy javë maksimumi pastaj futemi ne në lojë dhe e bëjmë operacionin. Përsa i përket jetës së përditshme duhet të pinë shumë ujë. Unë e them për herë se e shoh që nuk pinë. Trupi ka nevojë që të nxjerrë 1 litër e gjysmë urinë. Për të nxjerrë 1 litër e gjysmë urinë në dimër duhet të pimë 2 litra ujë ndërsa në verë në varësi të punës që kemi mund të pimë dhe 4 dhe 5”, tregon urologu Artan Koni.
Top Channel
