Temperatura në rritje: Si të reduktojmë dëmin e shkaktuar nga dielli këtë verë 25/06 15:51
Një burrë ka habitur të gjithë pasi zbuloi moshën e tij reale. Ai duket si një djalë 14-vjeçar, por mosha e tij e vërtetë është 35 vjeç.
Denis Vashurin nga Rusia është mësuar me reagimet që bëjnë njerëzit kur e marrin vesh moshën e tij të vërtetë. Ai mban gjithmonë me vete një certifikatë lindje, pasi njerëzit mendojnë që ai është thjesht një adoleshent.
Denisi u bë i famshëm dy vjet e gjysmë më parë pasi u intervistua për pamjen e tij dhe njerëzit janë fiksuar pas tij që atëherë. Me kalimin e viteve ai ka mësuar të përqafojë pamjen e tij rinore, por i është dashur të përballet edhe me disa komente fyese nga njerëzit.
Në moshën katër vjeçare, Denisi vuri re se kishte diçka ndryshe në pamjen e tij. Ai pretendon se ka vizituar shumë spitale në kërkim të një përgjigjeje, por kurrë nuk ka pasur një shpjegim. Pavarësisht se nuk e di arsyen e paraqitjes së tij rinore, Denisi thotë se është shumë i lumtur. Ai shtoi: Jam shumë i luktur, minuset mund të kthehen në pluse. Kjo varet nga personi, forca dhe aftësia për të rregulluar jetën e tyre.
Denisi thotë se gjëja kryesore është shëndeti, jo pamja, por si të gjithë ai nuk dëshiron të plaket. Ai tani e kalon kohën duke udhëtuar dhe shpesh poston aventurat e tij në Instagram, ku ka gati 20 mijë ndjekës.
Denisit i pëlqen gjithashtu të kalojë kohë me të dashurën e tij, për të cilën thotë se “asnjëherë nuk ka qenë e fiksuar pas moshës apo pamjes sime.
Top Channel
