“Opozita ka ndjekje më të madh në Tiktok”, përplasje mes ekspertësh në Top Story: Rama është 74% më shumë se sa Berisha 23/12 22:58
Shefja e Grupit Parlamentar të Lëvizjes Vetëvendosje, Mimoza Kusari-Lila, në një lidhje direkte nga godina e Kuvendit për “Top Story”, ka folur për situatën e tensionuar në veri të Kosovës.
Duke rrëfyer se përplasjet në veri i kujtuan momentet më të errëta të Kosovës, Kusari-Lila tha se pasiguria në Zveçan, Leposaviq, Zubin Potok dhe Mitrovica e Veriut vazhdon që pas përfundimit të luftës.
“Pas zgjedhjeve që u mbajtën atje, ku nuk mori pjesë Lista Serbe, u krijua bindja se është fillimi i fundit që ajo pjesë të jetë në dorë të Serbisë për interesa të ngushtë të Serbisë. Të drejtat e tyre nuk janë përfaqësuar si duhet.
Në momentin kur janë tërhequr kryetarët e komunave, sipas ligjit Presidentja ka thirrur grupet politike për zgjedhjet e reja. Kishim bllokada dhe grumbullime nga bandat, të njëjtat që janë edhe tani”.
Sa u përket diskutimeve për zgjedhje të reja në këto katër komuna, Kusari-Lila shprehet skeptike.
“Kush do të garantojë nëse do të kemi një proces tjetër zgjedhor. Kosova si shtet sovran funksionon me ligjet dhe Kushtetutën e vet”.
Shefja e Grupit Parlamentar të Lëvizjes Vetëvendosje foli edhe për lidhjet e presidentit serb Aleksandar Vuçiç me Rusinë, madje thotë ajo, Vuçiç u njoftua për rrëmbimin e policëve kur ishte në ambasadën ruse.
E pyetur nga moderatorja Grida Duma se përse kryeministri Albin Kurti kërkon që KFOR të mos heshtë por të veprojë në veri, Kusari-Lila shprehet se “të gjithë i kanë detyrat e ndara dhe KFOR ka pasur pjesën e kufirit”.
Top Channel
