Një grua e akuzon se i ka hedhur spermë në filxhanin e kafes, mjeku përfundon në gjyq

Gruaja e konsideron këtë gjë si një provokim për t’u përfshirë në akte seksuale pa pëlqimin e saj.

Një incident dyshohet se ka ndodhur më 13 shtator 2021 dhe tjetri thuhet se ka ndodhur midis 12 shtatorit 2020 dhe 12 shtatorit 2021.

Chapman, nga Kingston St Mary në Taunton, thuhet se vuan nga një gjendje mjekësore që do të thotë se ai prodhon spermë të tepërt dhe mbetjet mund të ishin transferuar pa dashje në kafe.

Prokurori Richard Posner tha në gjyqin në gjykatën e Gloucester-it se gruaja kishte zbuluar një substancë të dyshimtë në fund të filxhanit të saj, pasi mjeku i bëri një kafe.

Posner tha: Gruaja u shqetësua për shijen e kafesë që Dr Chapman i kishte bërë asaj në disa raste dhe ajo kujton se e kishte pështyrë atë.

Më 13 shtator 2021 kur po pinte kafen, ajo pa një substancë të çuditshme në fund të filxhanit. Gruaja kontaktoi policinë dhe iu tha që të vendoste provat në frigorifer. Ajo ia dorëzoi atë policisë tre ditë më vonë dhe një test konfirmoi se substanca ishte spermë dhe provat e ADN-së çuan përsëri te Chapman.

Më pas ajo i tha policisë se nuk ishte hera e parë që një filxhan kafe e bërë për të nga Chapman kishte shije qesharake. Kur u arrestua në fund të atij muaji, ai u shpreh: Ky është një pretendim djallëzor.

Chapman thotë se ai ka një gjendje mjekësore të quajtur prostatitis, e cila prodhon spermë të tepërt dhe ai merret me këtë, kur është në tualet çdo ditë.

Në mbrojtjen e tij, Virginia Cornwall tha: Dr Chapman nuk kishte ndonjë interes seksual për këtë grua dhe nuk u soll në mënyrë të papërshtatshme ndaj saj. Ai mohon t’i ketë bërë gruas kafe atë ditë dhe deklaron se mohon t’i ketë hedhur diçka në kafenë e saj. Dr Chapman supozon se dikush tjetër e vendos spermën e tij në kafe, pasi ai e mbledh atë rregullisht dhe e vendos përmbajtjen në shishe plastike dhe bën testimin e tij.

Gjyqi vazhdon.

Top Channel