Sulmohet shtëpia e Netanyahu-t, dy raketa bien në oborrin e rezidencës së kryeministrit izraelit 16/11 22:45
Mbreti Charles III ka mbërritur në Rumani, ku u prit nga presidenti Klaus Johannis në pallatin presidencial në kryeqytetin Bukuresh.+
Ai u prit me një ceremoni madhështore, pas së cilës zhvilloi bisedime personale me presidentin 63-vjeçar. Monarku pritet të kalojë pjesën e mbetur të pushimeve të tij private në vend, ku do të ketë një program vetëm për të kaluar kohë në qetësi.
Kjo është vizita e parë në Evropën Lindore pas kurorëzimit të monarkut më të ri të Mbretërisë së Bashkuar.
Pas udhëtimit privat, 74-vjeçari pritet të udhëtojë në Transilvania rurale, një rajon ku ai zotëron një sërë pronash dhe e ka vizituar shpesh në të kaluarën.
Mbreti Charles III gjithashtu themeloi Fondacionin Princi i Uellsit Rumania për të mbështetur zhvillimin e bujqësisë, aftësitë tradicionale dhe ruajtjen e ndërtesave historike.
Vizita e tij e fundit ishte në fund të majit 2022. Në atë kohë ai po vizitonte një qendër ukrainase për refugjatë në Bukuresht dhe filloi një projekt për ripyllëzimin.
Top Channel
