Bie ndjeshëm sipërfaqja e lejeve të ndërtimit në kryeqytet në 3 mujorin e parë të 2023-shit
30/05/2023 13:03
E pazakontë në Pogradec! Përfitoi nga amnistia dje, sapo doli nga burgu bën vjedhjen e radhës 25/04 18:02
Pas rritjes së ndjeshme të viteve të fundit, ka pësuar rënie në tre muajit e parë të këtij viti numri i sipërfaqeve të lejeve të ndërtimit të miratuar për ndërtesa të reja.
Referuar INSTAT, sipërfaqja e lejeve të ndërtimit miratuar për ndërtesa të reja, në tremujorin e parë 2023, është 415.842 m 2 , nga 1.031.088 m 2 miratuar në tremujorin e parë 2022, duke shënuar një ulje prej 59,7 %.
Në Tiranë, sipërfaqja e lejeve të dhëna për tre muaj është rreth 200 mijë metra katror, me një rënie prej 75% në krahasim me të njëjtën periudhë të një viti më parë, kur u dhanë leje për 800 mijë metra katror.
Në tremujorin e parë 2023, vlera e përafërt e lejeve të ndërtimit miratuar për ndërtesa dhe punime inxhinierike është 21 miliardë lekë, nga 39 miliardë lekë miratuar në tremujorin e parë 2022, duke shënuar një ulje prej 46,3 %.
Ndërkohë, sipas INSTAT në tremujorin e parë të vitit 2023 janë miratuar gjithsej 429 leje ndërtimi për ndërtesa të reja, nga 397 leje të miratuara në tremujorin e parë 2022, duke shënuar një rritje prej 8,1 %.
Top Channel
