Qarkullonte me pistoletë dhe kokainë, në pranga 37-vjeçari/ Nën hetim pasagjerja
29/05/2023 14:38
Mot i paqendrueshëm dhe me shi! Sot temperaturat do arrijnë deri në… 19/04 07:01
Një 37 vjeçar është arrestuar pasi u kap duke qarkulluar me një pistoletë dhe lëndë narkotike.
Policia ka ushtruar kontroll në automjetin që drejtonte Andi Zoga, banues në Golem, në rrugën dytësore Tiranë-Vorë ku gjetën një pistoletë dhe kokainë.
Ndërsa gjatë kontrollit të çantës së pasagjeres E. B., policia gjeti kanabis. Pasagjerja është në ndjekje penale në gjendje të lirë.
Pistoleta dhe lënda narkotike janë sekuestruar në cilësinë e provës materiale.
Sipas policisë, materialet i kaluan Prokurorisë, për veprime të mëtejshme procedurale.
“Tiranë/ Finalizohet nga Forca e Posaçme “Shqiponja”, në bashkëpunim me Komisariatin e Policisë Nr. 6 operacioni policor i koduar “Sunday”. Qarkullonte me automjet i armatosur dhe me lëndë narkotike, vihet në pranga 37-vjeçari. Procedohet penalisht pasagjerja në mjet. Sekuestrohen një armë zjarri pistoletë me municion luftarak, si dhe sasi të vogla lënde të dyshuar narkotike kokainë dhe kanabis. Shërbimet e Forcës së Posaçme “Shqiponja”, në bashkëpunim me Komisariatin e Policisë Nr. 6, në vijim të punës për goditjen e paligjshmërisë në fushën e armëmbajtjes pa leje, bazuar dhe në inteligjencën informative për një shtetas që qarkullonte i armatosur në rrugën dytësore Tiranë-Vorë, menjëherë kanë organizuar punën për kapjen e tij dhe kanë finalizuar operacionin policor të koduar “Sunday”. Si rezultat i tij u arrestua në flagrancë shtetasi A. Z., 37 vjeç, banues në Golem. Gjithashtu, u procedua penalisht shtetasja E. B., 35 vjeçe, banuese në Tiranë. Në rrugën dytësore Tiranë-Vorë, shërbimet e Policisë kanë ndaluar automjetin me drejtues shtetasin A. Z., dhe gjatë kontrollit të automjetit, gjetën një armë zjarri pistoletë dhe sasi lënde të dyshuar narkorike kokainë. Në vijim të veprimeve, gjatë kontrollit të çantës së shtetases E. B. (pasagjere në mjet), gjetën sasi lënde narkotike të dyshuar kanabis, e cila u sekuestrua në cilësinë e provës materiale së bashku me pistoletën dhe kokainën. Materialet i kaluan Prokurorisë, për veprime të mëtejshme procedurale”, sipas njoftimit të policisë.
Top Channel
