Rama sulmon Braverman në Londër: Na quajti pushtues, a thua se shqiptarët donin kokën e Mbretëreshës 24/11 13:49
Ministrja Bora Muzhaqi, në emër të Partisë Socialiste i ka bërë thirre të gjithë qytetarëve të shfrytëzojnë minutat e fundit dhe të paraqiten pranë qendrave të votimit për të ushtruar të drejtën e votës.
Muzhaqi i ka kërkuar të gjithë qytetarëve të votojnë në në emër të peronave që janë larg e nuk kanë mundësi të jenë të pranishëm dhe të fëmijëve që nuk kanë të drejtë vote, pasi vetëm këshu mund të vendoset fati i vendit.
Selia e Partisë Socialiste të Shqipërisë, deklarata për mediat, Bora Muzhaqi:
Janë edhe 90 minuta, një ndeshje futbolli për ata që sot si çdo të dielë ka ndjekur kampionatet dhe që besoj tanimë s’ka asgjë më të mirë, se sa të dalin nga shtëpia dhe të votojnë. Edhe ata të Juves që s’kanë votuar ende, s’kanë çfarë shohin deri në darkë, kështu që u bëjmë thirrje të dalin të votojnë!
Janë edhe 90 minuta për gjyshërit e gjyshet që nuk votuan dot sot herët në mëngjes, po edhe për gjithë ata të moshuar, të reja e të rinj, nëna e baballarë, që ende nuk kanë dalë të votojnë!
Apeli i Partisë Socialiste është mos i lini këto 90 minuta të ikin pa votuar!
Duam që ta dëgjojnë të gjithë se kushdo prej nesh që voton, voton edhe për ata që nuk e kanë të mundur të votojnë, sepse janë larg apo sepse janë ende fëmijë, por duan dhe meritojnë një Shqipëri akoma më të mirë.
Vota vlen shumë! Vota vendos shumë! Vota përcakton më shumë se çdo gjë tjetër të ardhmen tonë të përbashkët!
Prandaj në këto 90 minuta të mbetura dilni dhe votoni!
Votoni, votoni, votoni!
Top Channel
