“E trajtojnte si të ishte kafshë”/ 43-vjeçari detyroi partneren të hante copa buke me hudhër në dysheme

Thomas Barton ushtronte dhunë ndaj saj, nëse ajo nuk përmbushte kërkesat e tij. Në gjykatë është treguar edhe mënyra se si ai e ka sulmuar atë, pasi i mori kartën bankare pa e pyetur.

Ai u burgos për 34 javë, pasi një gjykatës tha se gruaja ishte e shqetësuar për rrezikun që ai paraqiste. Në ndjekje penale, avokatja Geen Henshaw i tha gjykatës se dyshja ishin në një lidhje për rreth tre vjet, por nuk jetonin së bashku. Gjatë një muaji në korrik të vitit të kaluar, sjellja e Barton se ishte bërë më kontrolluese.

“Në muajin korrik ata po kalonin një periudhë të vështirë. Ata kishin qëndruar në një hotel dhe po planifikonin të kalonin një mbrëmje të këndshme. Gjatë mbrëmjes, Barton piu gati një shishe të tërë vodka dhe uiski. Ata porositën për të ngrënë një picë, 12 feta bukë me hudhër dhe një qebap, me planin për të ndarë së bashku ushqimin.

Por Barton nuk e lejoi të hante asgjë, përveç disa copave të vogla të bukës me hudhër, të cilat ai i la në dysheme, duke e bërë gruan të ndihej “si një qen”. Ai i kërkoi që të mbyllte gojën, ndërkohë që ajo qante.

Disa javë më vonë, më 7 gusht të vitit të kaluar, çifti pati një debat pasi Barton, përdori kartën e saj bankare pa lejen e saj. Gjykata dëgjoi se ai e shtyu dhe e rrëzoi në dysheme. Ai e kapi atë në krah me dhunë si të ishte një kukull prej lecke”, tha avokatja Henshaw.

“Nëna e saj ishte viktimë e abuzimit në familje për të cilën i pandehuri dinte dhe dinte për ndikimin që kishte mbi të. Ajo ndjeu se ai ishte përdorur si çantë e tij e grushtit”, u shpreh ajo.

Barton, u burgos për 34 javë, pasi pranoi sjellje kontrolluese dhe shtrënguese dhe sulm i përbashkët.

Top Channel