Tashmë kanë kaluar dy dekada që kur epoka e fluturimeve komerciale supersonike përfundoi me uljen e fundit të Concorde në një fushë ajrore në Anglinë jugperëndimore.
Në vitet e fundit, shumë pretendentë për fronin – supersonikë, hipersonikë, me energji hidrogjeni, me teknologji anti-boom – kanë tentuar, të paktën konceptualisht, por shumë nga këto projekte që premtojnë udhëtime super të shpejta të pandërprera në vend të kësaj kanë ngecur.
Tani një startup hipersonik evropian është duke përparuar, duke premtuar udhëtime joshëse si Frankfurt në Sidnei në 4 orë e 15, ose Memphis në Dubai në 3 orë 30.
Koncepti Destinus është fluturim me energji hidrogjeni me pesë herë shpejtësinë e zërit, duke shkurtuar kohëzgjatjen e fluturimit në më pak se një të katërtën e udhëtimit aktual komercial ajror.
Me seli në Zvicër me një ekip prej rreth 120 punonjësish të shpërndarë në Spanjë, Francë dhe Gjermani, Destinus u themelua në vitin 2021, por ka arritur të avancojë me shpejtësi. Dy prototipet e tij të para kanë bërë fluturime të suksesshme provë dhe janë gati të fillojnë testimin e fluturimit me energji hidrogjeni. Prototipi i tij i tretë – Destinus 3 – është vendosur të bëjë fluturimin e tij inaugurues deri në fund të vitit.
Karburanti
“Ka qasje të ndryshme për ta bërë këtë,” thotë Löfqvist, menaxherja e zhvillimit të biznesit të kompanisë. Strategjia është që të “zhvillojmë drone me përmasa më të vogla përpara se ta rritim atë për t’u bërë një aeroplan i madh i drejtuar nga pilotët ose me pasagjerë”.
Hidrogjeni është karburanti i zgjedhur i Destinus për shkak se është një burim energjie i pastër, i rinovueshëm, gjithnjë e më i lirë për t’u prodhuar dhe i aftë për ta ndihmuar atë të realizojë shpejtësinë dhe ambiciet e tij me rreze të gjatë. Aviacioni me energji hidrogjeni është ende në fillimet e tij, me motorët e avionëve të hidrogjenit që ende nuk janë futur në përdorim komercial.
Top Channel
