Zbuloni ushqimet që ndihmojnë në humbjen e peshës dhe përmirësojnë metabolizmin 16/11 19:10
Botulizmi është një sëmundje serioze që mund të shkaktojë probleme me frymëmarrjen, paralizë të muskujve, madje edhe vdekje.
Por ndodh rrallë. Një individ preket nga kjo sëmundje kur një toksinë e prodhuar nga bakteret (Clostridium botulinum, Clostridium butyricum dhe Clostridium baratii) sulmon nervat e trupit. Sporet e këtyre baktereve gjenden në tokë, pluhur, madje edhe në ushqim. Por disa kushte mjedisore, mund t’i bëjnë këto spore të rriten dhe të prodhojnë toksinë botulinum.
Ju mund të merrni botulizëm pasi keni ngrënë ushqime të kontaminuara me toksina botulinumi, injeksione të tepërta të toksinës botulinum, nëse sporet e baktereve futen në një plagë ose në zorrët tuaja, ku rriten dhe prodhojnë toksinën.
Si mund të shmangni marrjen e botulizmit
Sipas CDC-së amerikane, bakteret që prodhojnë toksina botulinum rriten mirë në kushte të tilla si oksigjeni i ulët ose pa oksigjen (anaerobik), acid i ulët, sheqer i ulët, kripë e ulët dhe diapazon të caktuar temperaturash. Për këto arsye, CDC amerikane paralajmëron mos ngrënien së ushqimeve të konservuara në shtëpi, ose të fermentuara, të gatuara në mënyrë jo të duhur.
Ekzistojnë pesë lloje kryesore të botulizmit: botulizmi foshnjor, botulizmi i plagëve, botulizmi ushqimor, botulizmi jatrogjen, toksemia intestinale e të rriturve.
Botulizmi i foshnjave: Foshnjat mund të sëmuren nëse sporet e baktereve hyjnë në zorrët e tyre, rriten dhe prodhojnë toksina.
Botulizmi i plagës: Njerëzit që injektojnë drogë, ata me një dëmtim traumatik, si rezultat i një aksidenti ose operacioni, janë në një rrezik më të madh për t’u prekur nga botulizmi i plagës.
Botulizmi i lindur nga ushqimi: Megjithëse botulizmi ushqimor zakonisht lidhet me ushqime të bëra në shtëpi, si të konservuara, ose të fermentuara në mënyrë jo të duhur, toksina mund të jetë gjithashtu e pranishme në ushqimet e blera në dyqan.
Botulizmi jatrogjen: Injeksionet e toksinës botulinum ose Botox përdoren për trajtimin e rrudhave dhe kushteve të caktuara mjekësore, si migrena, hiperhidroza, fshikëza tepër aktive dhe problemet e syve. Shumë injeksione Botox mund të çojnë në botulizëm jatrogjen.
Toksemia e zorrëve të të rriturve: Njerëzit me kushte serioze shëndetësore që prekin zorrët janë të ndjeshëm ndaj kësaj sëmundjeje.
Botulizmi tek foshnjat: Shenjat dhe simptomat për t’u kujdesur
Foshnjat më të vogla se 6 muajsh kanë më shumë gjasa të preken nga botulizmi foshnjor, por kjo mund të prekë të gjithë foshnjat më të vogla se 1 vjeç.
Shenjat dhe simptomat që lidhen me botulizmin e foshnjave përfshijnë kapsllëkun, ushqyerjen e dobët, rënien e qepallave, zvogëlimin e shprehjes së fytyrës, klithjen e dobët dhe vështirësinë në frymëmarrje. Simptomat mund të përkeqësohen nëse nuk trajtohen, duke rezultuar në paralizë të plotë të disa muskujve.
Nuk është e qartë se si shumica e foshnjave me botulizëm u ekspozuan ndaj sporeve të baktereve që prodhojnë toksinën. Por ekspertët paralajmërojnë se mjalti mund të përmbajë spore Clostridium botulinum dhe për këtë arsye prindërit duhet të shmangin dhënien e mjaltit ose ushqimeve që përmbajnë mjaltë për foshnjat më të vogla se 12 muajsh. Disa raste të botulizmit tek foshnjat janë lidhur me konsumimin e mjaltit të kontaminuar. Këshillohet gjithashtu të shmangni ushqyerjen e foshnjave me shurup misri të lehta dhe të errëta, pasi ky ushqim mund të përmbajë baktere që shkaktojnë botulizëm.
Nëse dyshoni se foshnja juaj ka botulizëm foshnjor, shkoni menjëherë te mjeku. Foshnjat me botulizëm foshnjor zakonisht kanë nevojë për pranim në njësinë e kujdesit intensiv (ICU). Atyre mund t’u jepet një antitoksinë e quajtur imunoglobulina intravenoze e botulizmit (BIGIV). Një foshnjë mund të vendoset në një ventilator në rast se toksina ndikon në muskujt e frymëmarrjes.
Top Channel
