Në një aktivitet të organizuar për Ditën Botërore të librit dhe të drejtën e autorit, Universiteti i Evropës Juglindore në Tetovë, ka vlerësuar me mirënjohje gazetarin dhe realizuesin e ciklit “Gjurmë Shqiptare”, Marin Mema.
Marin Mema: Betejat e sotme fitohen me dije. Me dije do t’i mposhtim, me dije do fitojmë, me dije do ecim përpara, me dije do tregojmë që jemi shqiptar dhe jemi këtu për të ecur përpara me trashëgiminë, kulturën, historinë, traditën tonë, traditën shqiptare që mbartet përmes dijes.
Veç gazetarit Marin Mema, u vlerësua edhe puna e Emira Selimit, studentes që ka marrë përsipër të ngrejë një bibliotekë në qytetin e Manastirit, e po kështu botuesja Samije Limani dhe profesori Satki Ismaili.
Top Channel
